خالد الجندي: بهذه الطريقة تكون شيخ نفسك
قال الشيخ خالد الجندي، عضو المجلس الأعلى للشئون الإسلامية، إن كل إنسان يستطيع أن يقيم ما يفعله صحيح أم خطأ؛ لأن الحسنة هي ما تستحسنه النفوس، والسيئة ما تسوء النفوس، وبالتالي أصبحوا شيوخ أنفسهم ولا يحتاجون إلى شيوخ لي يفعلوا الصحيح من الخطأ ونظرية المغرر بهم والشيطان ضحك عليهم كلام مش صحيح، كما قال رسول الله صلى الله عليه وسلم: الحلال بين والحرام بين.
خالد الجندي: هكذا تكون شيخ نفسك
وتابع خالد الجندي، عضو المجلس الأعلى للشئون الإسلامية، خلال حلقة برنامج لعلهم يفقهون، المذاع على فضائية dmc، اليوم الأربعاء: الصحيح هو ما تعارف عليه الناس بأنه صحيح، معرفة الحلال والحرام ليست لغزا وتتعرف عليه من خلال ضميرك، وهذه أمور لا تحتاج إلى شيخ أو عالم من علماء الأزهر، يعني الساعة اللى بتزوغها من الشغل أنت عارف دى حلال ولا حرام، أكيد عارف إنها حرام، أكيد عارف الرشوة أو خلافه حلال ولا حرام، أنت عارف إن ده حرام، ومش محتاج شيخ يقوله الخبر اللي بتشيره أو الشتيمة على السوشيال حلال ولا حرام.
واستكمل خالد الجندي: تلاقى واحد يقولك أنا ضيعت خلاص، لا يا عم مضعتش ولا حاجة، اعمل حسنات، أعمل أي حاجة تبسط الناس يعني أي حاجة ترضي الله، كل واحد عارف المنكر والحرام من الحلال، كل عارف إن المخدرات منكر والبيرة منكر والسرقة منكر والتدخين، القرآن محددتش المعروف لأن اسمه معروف، حاجة معروفة يعنى، مش محتاج حد يعرفهالك.
