هاني شنودة عن تكريمه في السعودية: اوعوا تنسوا إني صناعة مصرية
حل الموسيقار والملحن هاني شنودة ضيفًا في برنامج معكم مع منى الشاذلي، والذي يعرض على شاشة قناة CBC، وتحدث عن تكريمه في المملكة العربية السعودية.
هاني شنودة: أنا صناعة مصرية
وأشار الموسيقار هاني شنودة إلى أنه سعيد بتكريمه في المملكة العربية السعودية، وأن ليلة تكريمه فاقت توقعاته، موكدًا أنه صناعة مصرية، قائلا: اتعملي في السعودية تكريم وحاجة مقدرش أنساها طول حياتي وأكتر مما استحقه، بس اوعوا تنسوا إن هاني شنودة صناعة مصرية.
كما تحدث الملحن هاني شنودة خلال استضافته في برنامج معكم، على أول لقاء بينه وبين العندليب عبد الحليم حافظ، موضحا: عبد الحليم حافظ كان عايز يشوف العيال الصغيرة اللي لسه طالعه فكلمني وعزمني ع الغدا وأنا زوغت منه، وبعدها كلمني ومعرفش جاب رقمي منين، وقالي إنه جاب آلة جديدة مش موجودة قولتله أنا جايلك دلوقتي.
وعن عمله مع الزعيم عادل إمام، قال هاني شنودة إنه قدم موسيقى تصويرية لـ 12 فيلما من بطولة الزعيم، وروى تفاصيل أول عمل بينهما، قائلًا: سمير سيف قالي أنت دم جديد في الموسيقى التصويرية، وهو اللي قالي إن عادل إمام بينقل لأول مرة من الكوميديا للأكشن، ولو ملكش في الأكشن قولي، قولتله هعمل التتر ونشوف، بعدها بـ 3 أيام جالي وقالي يلا نشتغل باقي الفيلم، بعدها عملت 12 فيلم لـ عادل إمام.
هاني شنودة يكشف تفاصيل دخوله عالم الموسيقى التصويرية
وتحدث الموسيقار هاني شنودة عن بداية دخوله عالم الموسيقى التصويرية، مؤكدا أن الراحلة فاتن حمامة هي من طلبت منه أن يقدم لها موسيقة تصويرها لـ فيلمها الجديد، موضحًا: فاتن حمامة هي اللي دخلتي الموسيقى التصويرية، وقالولي وقتها أنها سمعت الشريط بتاعي وعجبها لأن الشريط كان فيه مزيج للدراما.
وأضاف هاني شنودة: روحت لـ فاتن حمامة وقالتلي 16 ملحوظة معملهاش، يعني قالتلي متعملش تشيلو عشان الفيلم درامي حزين.
وتابع: لما مشيت من عندها كنت مقرر أني هعتذر بالتليفون، ولما روحت كنت هتصل لقيت الكهربا مقطوعة، وأنا طالع على السلم فكرت وقولت هعمل حاجة تعجبها وتعجبني، قعدت في قعدة واحدة خلصت الفيلم كله.
واختتم هاني شنودة: كلمتني تاني يوم قولتلها خلصت الفيلم كله هبعتلك "كاتيه" ودي مؤلفة الكلمات، وفرجتها على المزيكا اللي عاملتها، وكلمت فاتن قالتلها الواد ده عاملك مزيكا حلوة زي المزيكا الفرنساوي فاتن قالتلي احجز بكرة وتعالى سجل.
