مي فاروق عن سبب استقالتها من دار الأوبرا: محدش بيطلبني في حفلات
تحدثت الفنانة مي فاروق عن استقالتها من دار الأوبرا المصرية، موضحة أنها شعرت بتقييد بسبب توظيفها، كما أنها لا تتلقى عروضًا من دار الأوبرا لإقامة حفلات.
وقالت مي فاروق خلال لقائها مع الإعلامية منى الشاذلي في برنامج معكم، المذاع عبر شاشة قناة CBC: استقالت من دار الأوبرا المصرية.. ومن عمر 8 سنين وأنا في دار الأوبرا ومكنش فيه سبب للاستقالة، أنا مش موظفة دلوقتي، أنا بحب المكان ده واتربيت فيه، وكنت شايفة إن موظفة دي مقيداني في بعض الحاجات، ودلوقتي لو طلبوني في أي وقت أنا موجودة، وحسيت فكرة إني موظفة جوا المكان إني مضمونة طول الوقت، ومش واخدة القدر الكافي والمساحة اللي استحقها، وحبيت أرفع عنهم وعن نفسي الحرج.
مي فاروق: مبطلبش في حفلات في الأوبرا
وأضافت مي فاروق أنها ليست مُقصرة في إقامة الحفلات، ولكنها لا تتلقى عروضًا من دار الأوبر لإقامة الحفلات، معقبة: أنا مبطلبش في حفلات داخل الأوبرا، الناس مفكرة إن أنا اللي مُقصرة وإحنا بقالنا سنة و6 شهور مفيش دعوة جاتلي علشان أعمل حفلة في الأوبرا، وده مش مزعلني، ونفسي أقول للناس إن مش أنا السبب، وفي جميع الأحوال ده بيتي وعمري ما هتبرأ منه وفي أي وقت أنا موجودة.
وتألقت الفنانة مي فاروق خلال مشاركتها في إحياء حفل روائع الموجي مؤخرًا في المملكة العربية السعودية، تكريمًا لاسم الموسيقار الراحل محمد الموجي، وحصلت على إشادات كبيرة من الجمهور ونجوم الفن بعد غنائها أغنية أسأل روحك لـ أم كلثوم.
