مريم الخشت: دخول الوسط الفني سهل والأصعب الاستمرار
تحدثت الفنانة مريم الخشت عن دخولها الوسط الفني موضحة أنه كان بمحض الصدفة، ولكن الأهم هو الاستمرار في الوسط الفني.
وقالت مريم الخشت في تصريحات صحفية: الدخول للوسط الفني مكنش صعب وكانت صدفة بسيطة، ولكن الاستمرار هو اللي صعب، وساعات بتكون تيسيير وربنا بيديكي زقة ولكن في حاجات كتير بتكون عليكي.
وأردفت مريم الخشت: فيه حاجات الواحد بيكون متصور إنها هتكون سهلة زي ما بدأت سهلة، ولكن ده مش صح في المجال بتاعنا.
أما عن مشاركتها في مسلسل عملة نادرة، فقالت مريم الخشت: الشخصية نفسها تقيلة والأحداث اللي بتحصل ليها تقيلة، والشخصية بعيدة عني خالص، والصعيد بالنسبة لينا مهم، ومكنش ينفع أتصرف في الشخصية زي الشخصية القاهرية العادية، لازم أبقى محترمة جدًا المكان ده وثقافته وتفكيره، وللأسف في حاجات إحنا منعرفهاش.
أحداث مسلسل عملة نادرة
دارت أحداث العمل حول نادرة السيدة الصعيدية التي تخوض صراعًا شرسًا مع عائلة زوجها بعد وفاته، وترفض الاستسلام لحرمانها من الميراث، وتخوض حرب مع أعدائها، وتتطور الأحداث بعد ذلك.
أبطال مسلسل عملة نادرة
ومسلسل عملة نادرة من تأليف مدحت العدل وإخراج ماندو العدل، وبطولة نيللى كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفى، على الطيب، مريم الخشت، هشام عاشور، نهى صالح، ومحمد فهيم، رمزي العدل، وئام مجدى، بالإضافة إلى عدد كبير من الفنانين الشباب.
