عزيز الشافعي: الناس واخدة عني فكرة أني شخصية هادية.. وفيه أغاني خلت الناس تعمل ثورة
تحدث الشاعر والملحن عزيز الشافعي عن أول انطباع يأخذه عنه الجمهور، إلى جانب رأيه في الفن وهل يقدم رسالة أم لا؟
وقال عزيز الشافعي خلال تصريحات تليفزيونية: الناس واخدة عني فكرة أني شخصية هادية، ولكن الحقيقة أني شخصية مش هادية.. ومؤمن تمامًا أن النجاح من عند ربنا، والإبداع والإلهام ده رزق من عند ربنا، وبحاول على قد ما أقدر أكون ماشي كويس.
وأضاف عزيز الشافعي: التعامل مع النجوم في جانبين.. الجانب الجيد أن بسهولة تقدري توصلي شغلك لأكتر عدد من الناس فده بيكبر نجاحك، والجانب السئ هو أن لو شغلك ده مش حلو بتوري أكبر عدد من الناس فشلك بعد نجاحك.
واختتم عزيز الشافعي حديثه قائلا: الفكرة ممكن تجيلي وأنا في العربية أو الاستديو.. ولو مسجلتهاش وقتها بتروح، والفن أهم اختراع للبشر، ومش دايما الفن مفيد، ولكن لو الناس اتبسطت ده مفيد.. وفي أعمال درامية غيرت قوانين وفي أغاني خلت الناس تعمل ثورة.
آخر أعمال عزيز الشافعي
وتعد أغنية ولاد ناس آخر أغاني عزيز الشافعي، وهو الذي قام بغنائها، والأغنية من كلماته وألحانه، وجاءت كلمات الأغنية كـ الآتي: شوفنا الجدعان وشوفنا الصاحب الخوان.. عرفنا ولاد الناس وعرفنا بشر رخاص، شوفنا الإنسان إزاي على أخوه الإنسان بيدوس..ناس علّتهم فلوس، لكن واطيه النفوس لفينا أمصار، وتعبنا كتير واهو ده اللي صار.
