ألفت عمر: حرق الدم والأعصاب في الشغلانة عملي كسل في الغدة الدرقية.. دعواتكم
أعلنت الفنانة أُلفت عمر، تعرضها لوعكة صحية خلال الفترة الماضية، موضحة أنها مرت بفترة عصيبة بسبب الضغوط العصبية التي تعرضها في الوسط الفني.
وكتبت أُلفت عمر، عبر حسابها الشخصي بموقع فيسبوك: صباح الفل لما كتير سألوني إيه اللي حصلي قلت أقولكم.. طلع عندي كسل في الغدة الدرقية نتيجة حرق الأعصاب والدم في الشغلانة دي، والغدة بتعصبك وبتحجز الميه تحت الجلد وبتعطل الحرق في الجسم مهما عملت دايت مش هتخس وترجع زي ما كنت.
وتابعت: الحل جيم طول الوقت على الأقل 4 أيام في الأسبوع، دايت أكل وشرب حاجات معينه تزود الحرق وتهدى خالص وتعيش بأعصاب باردة اللي يحصل يحصل.. وفعلًا النجاح والبريق ليه وقته والأرزاق بيد الله.. مهما كنت شايفه نفسى شاطرة واستاهل.
واختتمت أُلفت عمر حديثها قائلة: عملت كده وخلال 3 أسابيع لشهر كانت دي النتيجة ولسه بكمل.. دعواتكم إن شاء الله أقدر أكمل من غير قلق.. مش مستاهلة.. صحتك بالدنيا.
آخر أعمال أُلفت عمر
وشاركت الفنانة أٌلفت عمر في الموسم الرمضاني 2023، من خلال مسلسل سره الباتع، إخراج خالد يوسف.
أبطال مسلسل سره الباتع
شارك في مسلسل سره الباتع عدد كبير من نجوم الفن وهم أحمد فهمي، ريم مصطفى، أحمد السعدني، حنان مطاوع، حسين فهمي، نجلاء بدر، عمرو عبد الجليل، صلاح عبد الله، هالة صدقي، أحمد عبد العزيز، أحمد وفيق، منه فضالي، أحمد عبد العزيز، محمود قابيل، عايدة رياض، خالد سرحان، مصطفى درويش، علاء حسني، ناهد رشدي، عمر زهران وغيرهم.
