السيسي: السوشيال ميديا عبارة عن دردشة الناس مع بعضها زي ما كانوا بيقعدوا على القهوة يتكلموا
قال الرئيس عبدالفتاح السيسي، رئيس الجمهورية، إن السوشيال ميديا عبارة عن دردشة الناس مع بعضها بعضا على الهواء، مستكملا: زي ما كانوا بيقعدوا قبل كدا على القهوة يدردشوا، في النهاية كل واحد مننا بيشوف اللي بيتعمل، إذا بتتعامل مع مدرسة أو مستشفى وتتعامل بشكل جيد أو سيئ يظهر، لو واحد مننا شاف الترع والتبطين شافه.
ووجه الرئيس السيسي كلامه ردًا على سؤال أحد شباب البحيرة: بطمنك إن الجيل دا شاف الأحداث اللي حصلت، اللي بيتولى قلوب العباد رب العباد، وكل واحد بياخد نصيبه فاللي بيتولى الموضوع ربنا، ونؤمن أنه مهيمن على الدنيا.
وتابع السيسي، في لقائه مع أهالي قرية الأبعادية، خلال زيارته القرية لافتتاح عدد من المشروعات ضمن مبادرة حياة كريمة: احنا كدولة عملنا ومشروعاتنا لا تكون متوقفة على الحكم أو فترة معينة، بل خطتنا نهدف لبناء الدولة لعشرين أو ثلاثين عام مقبل.
الرئيس السيسي يلتقي أهالي قرية الأبعادية في البحيرة
كما قال الرئيس عبد الفتاح السيسي: محدش يقدر يعمل حاجة لوحده ولكن نقدر مع بعض كدولة وشعب.. وكل قرى الريف المصري مش بس المرحلة الأولى فى حياة كريمة، أنا بطمن عليكم وعايز أسمع منكم.. شوفوا الكلام بقولوا دايما وقولتوا من بدري إن احنا محدش يقدر يعمل حاجة لوحده لا حكومة ولا رئيس ولا مؤسسات ولكن نقدر مع بعض.
وواصل: قولت إن التحديات الموجودة داخل مصر كثيرة.. وموضوع حياة كريمة كنا بنأديه بـ250 مليار، والموضوع وصل لـ350 مليار في المرحلة الأولى.. والمرحلتين الأخيرتين هيكملوا أكثر من تريليون جنيه.. وكله من بلدنا من عندنا.
