أبرز تصريحات تامر عاشور التليفزيونية.. أنغام مطربة مصر الأولى ومستحيل ألبس زي أحمد سعد
حل الفنان تامر عاشور ضيفًا على أحد البرامج التليفزيونية، متحدثًا عن العديد من الموضوعات، منها سبب عدم غنائه باللهجة الخليجية، وعلاقاته العاطفية، بالإضافة إلى رأيه في تصريحات الفنان عمرو مصطفى واستخدامه الذكاء الاصطناعي.
أبرز تصريحات تامر عاشور التليفزيونية
- أحب طول الوقت أشتغل مع عمرو دياب وأستفيد منه وشغال على أغنية جديدة هسمعهاله قريب.
- أكتر قرار باخده غلط بيكون من عقلي وباخد قراراتي بسرعة.
- حبيت من طرف واحد بس من زمان جدًا.
- مينفعش عمرو مصطفى يطلع يقول كل اللي في البلد مش ناجحين لمجرد إنك ليك مشكلة مع شخص واحد بس.
- لازم عمرو مصطفى يعرف إن فيه ناس بتسمعه وبتحبه ومينفعش كل ما يطلع يخلي منظرنا وحش.
- قول يا عمرو مصطفى كما تشاء، ولكن محدش بيدوق النجاح غير من على جيتار عمرو مصطفى دي بدعة.
- مستحيل ألبس زي أحمد سعد ومقدرش ومش كل الموضة تليق عليا.. جايبلنا مشاكل أنت.
- في اعتقادي ممكن يبقى فيه حقوق ملكية على الصوت ولو حصل معايا وحد استخدم صوتي بالذكاء الاصطناعي أكيد هرفع قضية.
- ماليش خلاف مع الشاعر تامر حسين ومستحيل يقول عني مش هضيفله حاجة.
- كان عندي مشكلة مع الضرائب من 2011 إلى 2014 والأوراق مش متجمعة وحصل فحص وجرد للأعمال.
- أغنية أم كلثوم بالذكاء الاصطناعي مش هتنجح ولا هتشوف النور.
- أنغام تفوز بلقب مطربة مصر الأولى لأنها ملتزمة، رغم إن شيرين أكتر صوت جبار في الوطن العربي، ولكن محدش هيحبك وأنت مش ملتزم، ولما يبقى عندي مشاكل مع طوب الأرض الناس مش هتستوعب مني أغاني لفترة.
- استحالة أغني مهرجانات وهي مش لون هي تقليعة وأتمنى أغني خليجي.
- أنا حاليًا مرتبط.
