علي صبحي يكشف كواليس أول لقاء جمعه بـ منى زكي: اعتذرت بسبب الكحل
كشف الفنان علي صبحي عن أول لقاء جمعه بالفنانة منى زكي، حيث التقى بها لأول مرة في بروفات تحضير مسلسل تحت الوصاية، والذي عُرض خلال الموسم الرمضاني الماضي 2023، وحقق نجاحًا كبيرًا.
وقال علي صبحي في لقائه مع الإعلامية سهير جودة، إنه كان لديه عرض مسرحي في نفس التوقيت الذي من المقرر أن يلتقي فيه بالفنانة منى زكي للمرة الأولى، فقرر أن يغادر المسرح مبكرًا قبل انتهاء المسرحية من أجل لقائه معها، موضحًا: أول لقاء ليا مع منى زكي كنت راجع من عرض كلاون بجري، كنت متأخر على بروفة المسلسل، وكنت متوتر جدًا لما عرفت إني هقابلها لأول مرة في الحقيقة.
وتابع علي صبحي: كان عندي وقتها عرض مسرحي في مدينة السلام والبروفة في المهندسين، فكان لازم أتحرك من المسرح بدري وأمشي بعد آخر مشهد ليا بس مش هاخد التحية مع زمايلي من الجمهور، وطبعًا المكياج اللي بنعمله على المسرح لسه على وشي فمسحته بمناديل بسرعة عشان ألحق البروفة.
وأضاف علي صبحي: وصلت البروفة ودخلت اعتذرت على التأخير، ومنى زكي أول مرة تشوفني لاقيتني حاطط كحل، فلما شافتني اتوترت وبدأت تسأل مين ده، أنت شغال مساعد معانا؟، لكن أستاذ محمد شاكر المخرج قالها ده علي يا منى، وهي استغربت وقالتلي إيه اللي أنت عامله في وشك ده؟، فكان موقف مضحك جدًا وافتكرت إن أنا حاطط كحل بجد، واعتذرتلي وقتها قالتي أنا مقصدش خالص.
