علي جمعة: الشعراوي حذر الناس من خطر الإخوان
قال الدكتور علي جمعة، مفتي مصر السابق، عضو هيئة كبار العلماء بالأزهر الشريف، إن الشيخ محمد متولي الشعراوي، كان مهتما بوطنه ومخلصا، وتعامل مع كل التيارات ونبذ من اقتنع إنهم ضد الوطن.
علي جمعة: الشعراوي حذر الناس من خطر الإخوان
وأضاف علي جمعة خلال حلقة برنامج مع الناس، المذاع على فضائية الناس، اليوم الاثنين: جماعة الإخوان المسلمين ظهرت سنة 28، وسنة 39 اقتنعت إنه من أجل التغيير لابد من استيلائها على الحكم، الشيخ الشعراوي حب يعرف الإخوان دول إيه، فحذر ابنه سامي من الانضمام إليهم؛ لأن هؤلاء الناس لا يسمعون إلا حناجرهم، ولما قال الكلام ده في حوار صحفي في المصور، فرد عليه عمر التلمساني وكان المرشد، فالشيخ الشعراوي كتبوه في الموسوعات بتاعتهم إنه من الإخوان، يعني حاجة مقززة، يعني الحمد لله الشيخ الشعراوي عرف حقيقتهم وحذر الناس من خطرهم.
فيما قال الدكتور علي جمعة، مفتي مصر السابق، عضو هيئة كبار العلماء بالأزهر الشريف، إن الشيخ محمد متولي الشعراوي، أيقونة من أيقونات مصر، مضيفا: لو أنت معترض عليه، بلاش غباوة، حافظ عليه، اختلف عليه كيفما تشاء.
وأردف: اختلف أو اتفق معه كيفما تشاء، اختلف براحتك، هي دي القوة الناعمة لمصر، زي الشيخ رفعت، وسعد زغلول كمان من أيقونات مصر، لكن أنا ميعجبنيش لكن أحافظ عليه انتماءً للوطن وحفاظا عليه.
واستكمل علي جمعة: احنا بنحب الشيخ محمد متولي الشعراوي، دوب دوبان السكر والشاي، اللي عاجبه عاجبه واللي مش عاجبه كمان، ده أيقونة لازم نحافظ عليها.
