أمير كرارة: عمري ما سمعت حاجة وحشة عن ياسمين صبري.. والفنانين المصريين كبار

كشف الفنان أمير كرارة تفاصيل فيلم البعبع الذي ينافس به في موسم عيد الأضحى 2023، مشيرًا إلى أنه مزج بين الكوميديا والأكشن خلاله.

وقال أمير كرارة خلال لقائه مع القاهرة 24: عاملين في فيلم البعبع حاجة أكشن كوميدي وجو عائلي لطيف أوي، وطبعًا مبعدتش عن اللي أمير بيعمله وهو الأكشن، بس أضفنا جرعة كوميديا وإنسانيات كتير جدا، وهتشوفه حاجة مختلفة وهتعرفوا أنا ليه اتشجعت أعمل الفيلم ده.

وأشاد أمير كرارة بالفنانة ياسمين صبري، التي تلعب البطولة النسائية أمامه في الفيلم، وقال: ياسمين ست جميلة ومريحة في الشغل وشاطرة ومختلفة، وكل حاجة حلوة ممكن تتقال، وعمري ما سمعت عنها حاجة وحشة، هي ست جميلة وفي حالها وربنا يكرمها.

أمير كرارة: المنافسة بين الأفلام زي كل عيد

وعن المنافسة في موسم عيد الأضحى 2023، قال أمير كرارة: المنافسة بين الأفلام زي كل عيد؛ لأن مصر فيها فنانين كبار وإن شاء الله الأربع أفلام يكسروا الدنيا، والناس تدخلهم؛ لأن إحنا كتير والناس عايزة تتبسط، والميزة إن الأربع أفلام دمهم خفيف والناس الأيام دي عايزة تضحك وتتبسط، ولو في وقت هكون عايز أتفرج على الأربع أفلام.

العرض الخاص لـ فيلم البعبع

على جانب آخر، أقيم العرض الخاص لفيلم البعبع أمس، بإحدي السينمات، حرص على حضوره كل من الفنان أمير كرارة وأسرته، ياسمين صبري، محمد عبد الرحمن،  ولاعب الكرة محمد زيدان، والفنان محمد أنور.

ياسمين صبري تكشف تفاصيل شخصيتها في فيلم البعبع