المجني عليها في جريمة هتك العرض بأكتوبر: حبني عشان أدبي واحترامي وأقام معايا علاقة مرتين | تحقيقات
قررت جهات التحقيق بالجيزة، بإحالة يوسف ي، عامل دليفري، إلى محكمة الجنايات بتهمة هتك عرض طفلة تبلغ من العمر 14 سنة، بأن أقام معها علاقة جنسية وعاشرها معاشرة الأزواج مرتين في مناسبة واحدة، بمنطقة الـ 800 فدان بأكتوبر.
هتك عرض طفلة بأكتوبر
ذكر أمر إحالة عامل الدليفري المتهم بهتك طفلة بأكتوبر، أن المتهم هتك عرض الطفلة والتي لم تبلغ 18 سنة ميلادية كاملة بغير قوة أو تهديد، إذ ارتأى في حداثة سنها وقلة خبرتها فرصة لإشباع مكبوت شهواته مستغلًا في ذلك حبها له، فسلمت له نفسها وحسر عنها ملابسها مما أخل إخلالًا جسيمًا بحيائها العرضي، وقد شهدت والدة المجني عليها بأن المتهم تقدم من قبل لخطبة ابنتها ولكنها رفضت لحداثة سنها فخطف ابنتها من أسفل العقار سكنها وعاشرها معاشرة الأزواج لإجبارها على الموافقة على إتمام زواجهما.
جاء في أقوال الطفلة المجني عليها في التحقيقات: اللي حصل إن المتهم بيشتغل عامل دليفري، في منطقة الـ 800 فدان في أكتوبر، واتعرفنا على بعض عشان أنا اللي كنت بنزل من البيت أجيب طلبات من السوبر ماركت، وكانت معاملتنا كلها احترام في احترام، حتى لما حاول يتعرف عليا في الوقت اللي كنت بجيب فيه طلبات للبيت من السوبر ماركت عنده، لكن بعدها بشوية بدأ يكلمني على تليفوني كإننا إخوات، وقالي إنه أعجب بيا في السوبر ماركت عشان أدبي وأخلاقي وقولتله تمام يا أهلا وسهلا بيك.
واضافت: بعدها بفترة كنا نتكلم مع بعض وجالي عند بيتنا، فأختي شافتنا مع بعض، وماما كانت محذراني منه، فأختي صورتنا وبعتت الصورة لماما، وساعتها أنا خفت لماما تقول لبابا، وبابا مش ساكن معانا، لو قالتله هياخدني، وأنا أصلا مش بحبه، فقررت ألبس وأنزل الشارع، ولما نزلت لاقيته لقيته لسه واقف في الشارع، فجريت عليه، وعرّفته إني اتخانقت مع أختي فحاول يرجعني البيت لكني خوفت من ماما وبابا، فعرض عليا نروح شقه فاضية في عقار مهجور، وأنا وافقت ورحت معاه.
وأردفت: قعدنا مع بعض يوم كامل، وقعد يكلم معايا ويقولي بحبك وعمري ما هأذيكي في حاجة، وقالي هجيبلك شقة، وهكتبلك مؤخر وكل اللي انتي عايزاه هييجي تحت رجليكي ومحدش هياخدك مني وقولتله إني بحبه، وأقمنا مع بعض علاقة مرتين.
