تعرضت للتحرش وحاول يبوسني وعقاب المتحرش الاغتصاب.. تصريحات صادمة لـ إيمان العاصي
حلت الفنانة إيمان العاصي، ضيفة على برنامج تليفزيوني، وكشفت خلال الحلقة عن حياتها الشخصية وتعرضها للتحرش في طفولتها، بالإضافة إلى الحديث عن رأيها في الزواج، وتجربتها مع الزواج المبكر.
ونستعرض في السطور التالية أبرز تصريحات إيمان العاصي
-عقد الجواز بيخرب علاقات الحب لأن في ناس بتعيش مع بعض سنين وأول ما يمضوا عقد الجواز كل حاجة بتبوظ.
-أنا لسه لحد دلوقتي مش مستوعبة وفاة والدي ولو في أي حاجة حلوة بتحصل بتبقى عوامل خارجية.
-أنا من جوايا حاسة أني اتعريت من بعد ما مات والدي.
-أنا بحاول مجيبش سيرة والدي في أي حته لأني مبقدرش أستحمل.
-اتجوزت بدري عشان كنت حابة أعمل عيلة وأخلف عيال كتير وحملت بسرعة بس الجواز مش سهل أبدا.
-كان في واحد بييجي البيت بيصلح حاجات وفي مرة النور قطع وشدني له وحاول يبوسني.
-مفهمتش التحرش اللي حصل لي غير لما كبرت وحسيت وقتها إني مرعوبة وكان نفسي مافتكرش اللحظات دي.
-العقاب المناسب لأي متحرش يتم اغتصابه.
مسلسل جعفر العمدة
على جانب آخر، يعد مسلسل جعفر العمدة آخر عمل شاركت به إيمان العاصي، في موسم رمضان الماضي 2023، وضم العمل عدد كبير من الفنانين، إلى جانب الفنان محمد رمضان، أبرزهم هالة صدقي، مي كساب، منة فضالي، جوري بكر، أحمد داش، أحمد فهيم، زينة، عصام السقا، دعاء حكم، منذر رياحنة، وغيرهم، ومن تأليف وإخراج محمد سامي.
