شيري عادل: ردود فعل الجمهور في الشارع حقيقية أكثر من السوشيال ميديا
كشفت الفنانة شيري عادل، رأيها في فكرة معرفة الفنان ردود الفعل، من خلال الشارع ومقابلة الجمهور وجهًا لوجه، في ظل وجود السوشيال ميديا حاليًا.
وقالت شيري عادل خلال حوارها مع القاهرة 24: ردود الفعل في الشارع هي اللي إحنا واخدين عليها طول عمرنا، وهي حقيقية أكتر من السوشيال ميديا لأنك بتبقى شايف الشخص اللي بيكلمك من قلبه وشايفة عينيه، وفي تواصل وبتتكلموا مع بعض.
وتابعت: وبنقابل الناس وبيقولك عجبني حاجة أو إن ولادي عجبهم حاجة معينة في شغلي، فـ طبعا التواصل في الحقيقة بحسه مؤثر أكتر.
شيري عادل تكشف رأيها في الزواج من نفس المجال
وسبق وكشفت شيري عادل، رأيها في فكرة الزواج من نفس مجال العمل، حيث إنها متزوجة من الفنان طارق صبري، وقالت: ممكن اتنين متجوزين يكونوا في نفس المجال، بس مش بيشجعوا بعض، بس طارق بيشجعني جدا وبيساعدني، وواقف في ضهري جدا وعايزني أبقى أحسن، وده مبهر بالنسبالي جدا.
وأضافت: وهو دايما مهتم إنه يشوفني أحسن، وبيدفعني لقدام، ويفضل يقنعني بالشغل لأني مترددة جدا في قبول أي عمل وهو بيقولي قدمي للناس أعمال.
فيلم أصل الحكاية
تواصل شيري عادل، تصوير فيلمها الجديد، أصل الحكاية، الذي يضم عدد كبير من الفنانين، أبرزهم الفنان خالد الصاوي، عابد عناني، محمود حافظ، محمد محمود، كريم عفيفي، بيومي فؤاد، إيمان السيد، محمد ثروت، يوسف عثمان، جيسيكا حسام الدين، وغيرهم، ومن تأليف وإخراج محمد أمين.
