شاومينج: الامتحان هينزل 2 ونص احجزوا معانا إحنا خايفين عليكم.. ورد حاسم من التعليم
ادعى أدمن أحد جروبات الغش الإلكتروني التابعة لـ شاومينج، تسريب امتحان الديناميكا 2023، من خلال توجيه رسالة للطلاب للحجز للحصول على امتحان الرياضيات التطبيقية الديناميكا، مؤكدًا على أن آخر موعد للحجز سيكون في تمام الـ حادية عشر مساء اليوم، وأن الامتحان سيتم نشره للطلاب الساعة 2 ونصف مساءً.
وقال أدمن الجروب في منشوره: ألف مبروك للطلاب اللي حجزت معانا الامتحانات إمبارح ودخلو الجروب، مبروك عليكم التقفيل في كل المواد بالتوفيق للجميع الامتحان نازل من الساعة 2 الفجر في الامتحانات اللي فاتت.
وأضاف الأدمن في رسالته للطلاب، بشأن سرعة الحجز: اللي عايز يحجز معانا يدخل يكلمني بسرعة، متاح حجز المواد الباقية قبل اللجنة بـ8 ساعات، واللي هيقول لي اضمن منين والكلام ده هقولك بص هنا شوف منزله في القناة الساعة 2 ونص الفجر".
وأردف الأدمن حديثه عن المصداقية: منزلكم رسايل وريكوردات الناس اللي حجزت معايا، إحنا مش محتاجين نثبت لكم أصلا الناس كلها عارفة إننا بنسرب من السنين اللي فاتت ولسه مكملين معاكم، إحنا خايفين على الطلاب اللي ماشية ورا الجروبات الفيك وبينزلوا امتحانات غلط في الآخر وأنتم حرين ده مستقبلكم.
واستكمل أدمن شاومينج حديثه: للحجز والتواصل كلمني هنا بسرعة علشان هكتفي بعدد محدد، وهقفل الحجز بليل الساعة 11 مساءً.
رد التعليم على مزاعم شاومينج بـ تسريب امتحان الديناميكا 2023
مصدر مطلع بوزارة التربية والتعليم والتعليم الفني، نفى إدعاءات شاومينج، مؤكدًا على أنه لا توجد أي تسريبات لأي من الامتحانات منذ عام 2017 حتى الآن، مؤكدًا على أنه حتى الآن لم يتم رصد أي عمليات تسريب، وجميع ما يتم تداول وينشر بعد دخول الطلاب الامتحان.
وأكد المصدر، على أن شاومينج يستغل إحدى الحيل للقيام بعمليات النصب وتحصيل مبالغ من الطلاب، مؤكدًا على أنه لا يوجد أي تسريبات وسبق وأن ورط عددًا من الطلاب، عن طريق نشر أجزاء من امتحانات سابقة ونماذج استرشادية بحجة تحصيل الأموال من الطلاب وأولياء أمورهم.
وأشار المصدر، إلى ثمة حجة يقوم بها أدمن شاومينج لاستكمال عملية النصب، حيث ينشر صورا غير واضحة ومحذوفا من عليها التاريخ ليلًا، ويدعي أنها خاصة بالامتحانات ويبدأ في جني الأموال عليها، وبعد التداول ودخول الطلاب يبدل تلك الصور بما يتم تداوله، وبالتوقيت القديم، مستغلًا ذلك في أعمال النصب واستغلال أولياء الأمور، مناشدًا الطلاب بعدم الاعتماد عليه حتى لا يضيع مصيرهم، وبعد ذلك يظهرون في التظلمات ويجزمون أنهم أنهوا الامتحانات، وهي إجابات خطأ لامتحان سابق.
