بخس لحد ما عظمي يبان بسبب دور.. أبرز تصريحات آية سماحة مع صاحبة السعادة
حلت الفنانة آية سماحة، ضيفةً على الإعلامية إسعاد يونس، في برنامج صاحبة السعادة، المُذاع عبر قناة DMC، وتحدثت خلال الحلقة عن دورها في مسلسل الصفارة، الذي شاركت من خلاله في موسم رمضان 2023، كما كشفت تفاصيل أعمالها المقبلة.
وجائت أبرز تصريحات آية سماحة على النحو التالي:
- أنا خاسة دلوقتي ولسة هخس عشان بعمل دور في مسسل اسمه حدث بالفعل محتاج إني أخس أوي.
- طلبوا مني أخس 5 كيلو ولازم عظمي يبان عشان بأدي دور واحدة بتعاني من مرض البوليميا في مسلسل حدث بالفعل.
- عمري ما عملت دايت في حياتي حتى لو محتجاله لأني طباخة شاطرة وبحب الأكل أوي.
- لما بجوع دلوقتي بعيط.. وسباعي جوزي بيمسكني عشان مدخلش المطبخ وآكُل لأن الأكل بالنسبالي حياة.
- أحمد أمين والمخرج علاء إسماعيل هما اللي رشحوني لمسلسل الصفارة.
- أول ما اتقالي إن طبيعة المسلسل إني هجسد شخصيات كتير مختلفة اترعبت.
- الناس كانت رحيمة في كلامها معايا وردود الفعل على مسلسل الصفارة كانت غير متوقعة.
- بصور دلوقتي دور شغالة في مسلسل على باب العمارة ودور مريضة بـ البوليميا في حدث بالفعل.
- أحمد أمين من الممثلين اللي بيساعدوا وبيفتحلنا وجهات نظر مختلفة وإحنا بنمثل قدامه.
- كنت بسيب نفسي لماكياج الشخصية ولبسها اللي يخلوني أتقمصها وتفصيلة صغيرة زي الشنطة كانت بتساعدني أدخل جواها.
مسلسل الصفارة
شاركت آية سماحة في موسم رمضان الماضي 2023، من خلال دورها في مسلسل الصفارة، بطولة الفنان أحمد أمين، حاتم صلاح، طه دسوقي، وآخرين.
