هنا الزاهد: معرفش دخلت قلوب الجمهور إزاي.. ومبردش على الشائعات علشان مكبرش الموضوع
علقت الفنانة هنا الزاهد على انتشار شائعات انفصالها عن زوجها الفنان أحمد فهمي خلال الفترة الماضية، معربة عن امتنانها الكبير لحب الجمهور.
وقالت هنا الزاهد في تصريحات تلفزيونية، تعليقًا على شائعة انفصالها عن زوجها الفنان أحمد فهمي، ووجود خلافات بينها وبين شقيقه الفنان كريم فهمي وزوجته: لو في أي حاجة بتحصل الناس كلها هتعرفها، ومبحبش أطلع أقول أه أو لأ لأن بنكبر الموضوع.
وأعربت هنا الزاهد عن امتنانها الكبير للجمهور، قائلة: والله ما أعرف دخلت قلوب المصريين إزاي، وأنا كمان بحبهم أوي وهما سبب اللي أنا فيه دلوقتي، والناس دايمًا بتتوقع مني ده وإني أعمل أعمال كوميدي للعائلة وهما دايمًا بيبسطوني.
هنا الزاهد تكشف سلبيات التعاون مع زوجها أحمد فهمي: بخاف أعمل تصرف يضايقه
وعن سلبيات التعاون مع زوجها في أعمالها الفنية وآخارها فيلم مستر إكس، قالت: السيئات إني ببقى شايلة هم إني معملش تصرف يضايقه، زي إني ممكن ميعجبنيش شعري أو حاجة في المكياج، فأقول وسط المشهد أنا عايزة ماكياج، فأحمد يقولي ما خلاص بقى، لكن لو ممثل تاني مش هيقولي كده، وأنا مبحبش أزعل حد أصلًا.
فيلم مستر إكس
ويعرض حاليًا فيلم مستر إكس، يعرض حاليا في دور العرض السينمائي، ضمن الأفلام المنافسة في موسم عيد الأضحى، ويشارك في بطولة العمل من النجوم، منهم، هنا الزاهد، أحمد فهمي، محمد أسامة، بيومي فؤاد، محمود حافظ، رحاب الجمل، والعمل من تأليف وإخراج أحمد عبد الوهاب.
