منة عدلي القيعي عن انتقادات أغنية اختياراتي مدمرة حياتي: دمار الدنيا هيجي على الكلمتين بتوعي؟
علقت الشاعرة منة عدلي القيعي على الانتقادات التي تلقتها عن أغنية اختياراتي مدمرة حياتي التي غناها الفنان أحمد سعد، لتكون الأغنية الدعائية لفيلم مستر إكس بطولة الفنان أحمد فهمي، المنافس في موسم عيد الأضحى 2023.
وكتبت منة عدلي القيعي عبر حسابها على فيسبوك، الآتي: الناس عمالة تبعتلي فيديوهات وبوستات بتحذر من وقع تأثير كلمات أغنية اختياراتي على تدمير حياة المستمعين بجد عشان جلب الطاقة ووقع الكلمة علي المخ وكدا.. يعني أنا بستغرب من الناس بقالها 70 سنة بتغني جرح تاني وأنا بتقطع من جوايا ونسيت طعم الفرح ودايما دموع وبموت جوايا وببكي علي حالي وعيد ميلاد جرحي أنا ومصدومة بجد ومش بنطق ولا عارفة أرد وأندال أندال أندال.
وأردفت: وخلاص دمار الدنيا بقي هييجي علي الكلمتين بتوع العبدة لله؟ وبعدين لو بتمشي كدا ما كان زماني مسددة ديون مصر يا جماعة بعد الغزالة رايقة واليوم الحلو دا.. صلوا على النبي كدا وافرحوا وارقصوا وهزروا وبطلوا تقولوا لنفسكوا إن حياتكوا هتدمر من كلمات أغنية فيلم مستر إكس عشان المخ بيصدق كل اللي بيتقاله.
واختتمت منة عدلي القيعي حديثها، قائلةً: كتاب حياتي يا عين ماشوفت زيه كتاب الفرح فيه سطرين والباقي كله عذاب.
أغاني ناجحة لـ منة عدلي القيعي
حققت منة عدلي القيعي نجاحًا ملحوظًا خلال السنوات الماضية، بتعاونها مع كبار المطربين في مصر والوطن العربي، ومنهم: أغنية غلبان للفنانة أصالة، وأغنية دلوقتي عجبناكو وأغنية براحة يا شيخة للفنان بهاء سلطان، وأغنية فرق كبير للفنان تامر حسني ونانسي عجرم، وأغنية سايرينا يا دنيا وأغنية إيه اليوم الحلو ده للفنان أحمد سعد.
