حسام حسن: محدش كلمني من الأهلي عشان أرجع.. وأقدر أبقى هداف الدوري لو رجعت
تحدث حسام حسن، مهاجم النادي الأهلي المعار لفريق سموحة، عن الضغوطات التي تعرض لها بالقلعة الحمراء، وعدم ظهوره بمستوى مميز مع الفريق.
حسام حسن: محدش كلمني من الأهلي عشان أرجع
وقال حسام حسن في تصريحات تلفزيونية: طلعت إعارة من الأهلي لسموحة عشان أرجع تاني، وأثبت للناس إن ده مش المستوى اللي انضميت بسببه للفريق.
وأضاف: محدش كلمني من الأهلي عشان أرجع تاني، ومع احترامي لنادي سموحة أنا مقيد في النادي الأهلي، ومازالت لاعبا في الأهلي بعد نهاية الإعارة.
وواصل حسام حسن: ساهمت مع سموحة في 8 أهداف هذا الموسم، رغم أنني تعرضت لضغوطات كبيرة، خاصة أن الفريق مرة بظروف صعبة الموسم الحالي.
وتابع: تعرضت لضغوطات كتير في الأهلي، وكنت أسمع موسيماني يقول بالمؤتمر الصحفي معنديش مهاجم وأنا موجود، وتأثرت نفسيًا بسبب عدم المشاركة، ونزلت مباراة فاركو وأنا بعيط، كان عندي أهداف كتير كنت عاوز أحققها في الأهلي.
وأشار حسام حسن: شخصية مارسيل كولر فرقت مع لاعيبة الأهلي، والفرق قدم موسم مميز، ويستحق ما وصل إليه، كما أشكر سموحة جهاز فني ولاعبين وإداريين على تجاوز فترات صعبة هذا الموسم.
واختتم تصريحاته: مكنتش راضي عن نفسي وأنا في الأهلي، ولو رجعت الأهلي أقدر أكون هداف الدوري الموسم اللي جاي، أنا واثق في نفسي.
وأعلن فرج عامر رئيس نادي سموحة في وقت سابق الحصول على الاستغناء النهائي من الأهلي، لضم حسام حسن بداية من الموسم المقبل بشكل نهائي.
