شيري عادل تكشف تفاصيل شخصيتها في فيلم أصل الحكاية
كشفت الفنانة شيري عادل، عن تفاصيل شخصيتها في فيلم أصل الحكاية، الذي يضم عدد من الفنانين، ابرزهم الفنان خالد الصاوي، وتحت قيادة المخرج محمد أمين.
وقالت شيري عادل خلال حوارها مع القاهرة 24: فيلم أصل الحكاية بيناقش قضية مهمة، والدور اللي بقدمه شخصية بنت اسمها ملك، هي أكتر واحدة شاغلها القضية دي وفاكر ة إن هي المسئولة إنها تفكر فيها.
وتابعت: وهي متزعمة الفكرة ومقتنعة بوجهة نظرها وبتتحدى كل الناس إن هي عايزة تبقى مسئولة عن التفكير في القضية دي وتبحث فيها، فـ شخصية جديدة عليّ معملتهاش قبل كدة.
فيلم أصل الحكاية
يضم فيلم أصل الحكاية عددا كبيرا من الفنانين، أبرزهم: الفنان خالد الصاوي، محمد ثروت، كريم عفيفي، عابد عناني، محمود حافظ، يوسف عثمان، إيمان السيد، محمد محمود، علاء مرسي، بيومي فؤاد، جيسيكا حسام الدين، وآخرين، ومن تأليف وإخراج محمد أمين.
شيري عادل تتحدث عن زوجها طارق صبري
وسبق وتحدثت شيري عادل عن زوجها الفنان طارق صبري، وقالت: ممكن اتنين متجوزين يكونوا في نفس المجال، بس مش بيشجعوا بعض، بس طارق بيشجعني جدا وبيساعدني، وواقف في ضهري جدا وعايزني أبقى أحسن، وده مبهر بالنسبالي جدا، وهو دايما مهتم إنه يشوفني أحسن، وبيدفعني لقدام.
وأضافت شيري عادل متحدثةً عن تعليقات الجمهور على خبر زواجها من طارق صبري، قائلةً: مباركات الجمهور ليا على السوشيال ميديا والتفاعل اللي حصل وقت زواجنا كانت أحلى حاجة حصلتلي.
