ويجز: بحضر ألبوم جديد وهتزهقوا مني
كشف مؤدي الراب ويجز تفاصيل مشاريعه الجديدة التي يعكف على تحضيراتها خلال الفترة الحالية، مشيرًا إلى أنه بصدد تحضير ألبومًا جديدًا.
وقال ويجز خلال لقائه مع برنامج ET بالعربي: لما حد في العادي بيقولي الأغنية حلوة بتبسط على حاجتي اللي اشتغلت عليها، ومفيش حد بيبقى راضي عن شغله مهما كان ممكن نقول 90% وبنسبة 10% بحتاج أزودها في كل حاجة جديدة جاية.
أما عن سبب تأخره في طرح أغاني منفردة خلال الفترة الماضية، أردف ويجز مازحًا: مشغول جدًا في إجازات وحمام سباحة وبحر وسحلية، تلاقيني سحلية في موضوع الصحراء.
ألبوم ويجز الجديد
وأشار ويجز إلى أنه يعكف حاليا على تحضير ألبومًا جديدًا، وقال: هتزهقوا مني، متابعًا: بحس إني فخور بنفسي لما بلاقي حد تاني بيغني وبحس إن المزيكا بقى ليها شكل جديد، وناس جديدة بتطلع على طول بتعمل مزيكتها وشكلها، وده بيخليني أسخن تاني وفيه ناس تانية شغاله بقى بقول لازم أرجع بقى.
وعن إحيائه حفلات في جولة عالمية، استطرد ويجز: بقينا في مستوى ينفع نعمل فيه كده وناس كتير عايزانا نشتغل بره وحاسس إنها حاجة كويسة للعرب والمصريين اللي عايشين بره مبيبقاش فيه فرصة يشوفوها لايف أو مزيكا وحشاهم أعتقد هتكون حلوة لينا احنا الاتنين أنا أولًا هكتشف آفاق جديدة وبتحمس أكتر؛ لأن الناس اللي هناك بجد بيبقوا مبسوطين.
