أجهزتنا في البيوت اتحرقت.. استياء من أهالي الأقصر لضعف الكهرباء وقطعها لعدة ساعات
أثار قطع الكهرباء لعدة ساعات في الأقصر وتذبذبها استياء وغضبا عارما من أهالي الأقصر والذين عبروا عنها عبر صفحات الفيس بوك مطالبين توضيح أسباب الانقطاع ومتى انتظام التيار.
استياء من أهالي الأقصر لضعف الكهرباء
حاولت القاهرة 24 عبر مراسلها في الأقصر التواصل عدة مرات مع المهندس علاء العطار رئيس قطاع توزيع كهرباء الأقصر، والمهندس خالد خلف الله مدير عام نقل الكهرباء بالأقصر، سواء بالاتصال تليفونيا أو عبر الواتس اب الخاص بهما على مدار يومان لمعرفة الأسباب الحقيقية لقطع التيار وتوضيح ذلك للمواطنين ولكن لم نتلقى ردا أو إجابة.
غضب وإستياء من أهالي الأقصر
وعبر العديد من أهالي الأقصر عن غضبهم واستيائهم عن قطع التيار بالساعات في تلك الأوقات شديدة الحرارة والتى وصلت فيها درجة الحرارة إلي 45 درجة.
أجهزتنا في البيوت إتحرقت
وقال خالد عوض الله أحد مواطنى الأقصر للقاهرة 24: أنا من سكان الكرنك والتيار الكهربائي كل شويه ياجى ويفصل الأجهزه هتتحرق مين هيعوضنا حسبنا الله ونعم الوكيل.
قطع الكهرباء لساعات عدة في مناطق مختلفة بالأقصر
وأضاف خالد: الكهرباء بتقطع في الكرنك من مساء أول أمس من الساعة 9 إلي 12 ظهرا، ومن الساعة 2 إلى 3:30 عصرا ومن من 5:30 إلى 7 صباحا وكمان دلوقتى بقالها أكتر من نصف ساعة وكل ده في أجواء شديدة الحرارة بنعيشها في الأقصر.
وقال رأفت رزيق لـ القاهرة 24: ياريت توصلوا صوتنا للمسؤولين عندنا ناس مريضة ضغط ومش بتتحرك من على الفراش حرام كده كل ساعتين النور بيقطع والجو حر موت في الأقصر.
وقال إبراهيم رفعت: 7 مرات اليوم كله امبارح لحد النهارده الفجر يرضي مين حسبي الله ونعم الوكيل في كل واحد مسؤول عن الحركه دي ايا كان العذر ما فيش عذر يقطع اقل حقوق الحياه على الانسان ميه وكهرباء والدنيا كلها وفي كل لحظات اليوم حتى لحظات النوم بالليل اللي الناس بترجع مهدودة وتعبانة وقرفانة ومن تعب يوم كامل تخلونا نسيح الليل كله حسبي الله ونعم الوكيل.
