كامل الوزير: القادم أفضل لنادي الزمالك والحال مش هيستمر كده ومرتضى منصور هيتغير
علق الإعلامي عمرو أديب على نتيجة مباراة الأهلى وبيراميدز بالدوري المصري المنتهي منذ قليل، بهزيمة النادي الأهلي بثلاثة أهداف مقابل لا شيء.
وقال عمرو أديب مخاطبًا الفريق كامل الوزير وزير النقل، خلال مداخلة الأخير مع عمرو أديب ببرنامج الحكاية المذاع على MBC مصر: ليا خبر ليك.. الأهلي خسر 3/0 من بيراميدز.
وعلق كامل الوزير على أوضاع نادي الزمالك الأخيرة، قائلا: الأهلي فريق كويس.. وإن شاء الله القادم أفضل لنادي الزمالك ولنادي السكة الحديد ونأمل أن يتحسن الوضع.
وردا على سؤال عمرو أديب: إزاي؟ قال كامل الوزير: الحال دا مش هيستمر كده.. ومجلس إدارة نادي الزمالك والمستشار مرتضى منصور هيفضل قاعد طول العمر؟؟ هيتغير.
وفي تصريح سابق للإعلامي عمرو أديب، قال إن القضاء عزل مرتضى منصور مرتين، معلقا: بيقعد مع اللعيبة بصفته إيه، عاوزين البلد فيها قانون ولا عاوزين فيها مرتضى.. مفيش حد في البلد قادر يقول له بلاش الحاجات القبيحة دي.
كما أضاف عمرو أديب خلال تقديمه برنامج الحكاية المذاع على MBC مصر: ميدو طالع يقول إن عندي مشكلة مع مرتضى.. يا ميدو أنا مشكلتي مع مرتضى بدأت بسببك لما قالك هعلقك في الاستوديو فاكر أنت اتقال بيتعمل فيك إيه.
