غنيت الأستوك عشان أخد 250 جنيه.. أبرز تصريحات حمدي بتشان مع صاحبة السعادة
حلّ الفنان حمدي بتشان، ضيفًا على الإعلامية إسعاد يونس ببرنامج صاحبة السعادة، المذاع عبر قناة dmc، وكشف خلال اللقاء، سبب قبوله لغناء أغنية الأستوك، بعدما كان رافضًا لها في البداية، كما روى موقفًا قديمًا حدث له، عندما أخذ مطرب آخر مكانه.
ونستعرض في السطور التالية أبرز تصريحات حمدي بتشان خلال الحلقة
-متأخرتش لحظة في المشاركة في أغنية سطلانة وربنا كرمنا بمحمد طاهر علشان الكوكب كله يسمعنا.
-أي أغنية جواها حب بتصنع معجزات.
-كنت رافض في البداية أغني الأستوك لأني كنت وقتها بغني مووايل وسلطنة.
-وافقت أغني الأستوك في النهاية عشان أعرف أخد باقي فلوسي الـ 250 جنيه من المنتج.
-أغنية الأستوك نجحت الحمد لله ولففتني الكون كله.
-كنت محضر أغاني وهغنيها بس سافرت تونس ورجعت لقيت مطرب تاني مغني الشريط كله.
-قابلت الشخص اللي غنى الأغاني بتاعتي قولتله مبروك النجاح قالي والله المنتج هو اللي قالي أغنيهم.
-المهندس عمر فودة قالي وأنت بتغني الأساتوك خليك كأنك بتتخانق مش بتغني.
حمدي بتشان يكشف رأيه في أغاني المهرجانات
وسبق وكشف حمدي بتشان، رأيه في أغاني المهرجانات، وقال خلال تصريحات خاصة لـ القاهرة 24: أغاني المهرجانات أثرت على الغناء كله، ومصطفى كامل خد باله من الموضوع، وبدأ يصلح فيه وده شيء جميل، وعمري ما فكرت أغني مهرجانات مستحيل.
وتابع بتشان: أنا بغني علشان أسعد نفسي في المرتبة الأولى لأني بحب الغناء، وبالتالي طلما الناس عرفتني وحبتني فا لازم احترمهم وأقدم ليهم أغاني، ولما أسلي الجمهور يكون بـ أدب، من غير ما أقول مفردات تجرح حيائهم.
