محضر رسمي.. سيدة تستغيث بسبب صرصار في كشري التحرير
حررت سيدة تدعى مديحة قرني تبلغ من العمر 28 عاما محضرا بقسم شرطة أول مدينة نصر يحمل رقم 10886 لسنة 2023، تتهم فيه أحد فروع كشري التحرير بالإهمال بعدما وجدت صرصارا داخل علبة كشري.
سيدة تستغيث بسبب صرصار في كشري التحرير
وقالت مقدمة البلاغ لـ القاهرة 24، إنها كانت بصحبة أولادها في أحد فروع كشري التحرير الموجودة بعباس العقاد في القاهرة، لتناول الطعام وطلبت 3 علب كشري وأخذتهم وخرجت.
وتابعت السيدة: بفتح العلبة وبدأت بوضع الصلصة والبصل وعندما فتحت البصل وجدت صرصار متحمر بداخلها.
وأردفت مقدمة البلاغ: رجعت المحل وطلب حد مسؤول اتكلم معاه، خرج واحد ليا اتعامل بأسلوب غير إنساني، وكان مش مقدر الموقف اللي احنا فيه، وكل اللي قاله بعد ما خد مني العلبة وحطها في الزبالة، “احنا آسفين يافندم” وسبني ومشي.
وأضافت السيدة: الحمدلله أني لحقت ابني وبنتي وأنا مش هسيب حقي لأنهم ممكن يكون سبب، في ضرر ناس تانية غيرنا.
وفي سياق آخر، قررت مجموعة مطاعم كشري التحرير، رفع أسعار عبوات الكشري 3 جنيهات في جميع الفروع التابعة له، لتكون الزيادة الثانية منذ سبتمبر 2022.
وتأتي زيادة أسعار كشري التحرير رغم تراجع أسعار الأرز بقوة بجانب أسعار المكرونة المستقرة، واستقرار تكلفة العمالة.
سعر علبة الكشري الصغيرة من التحرير
ورفعت الشركة سعر علبة الكشري الصغيرة، من 25 جنيها لـ 28 جنيها بجميع الفروع، كما زاد سعر العبوة الوسط من 30 جنيها لـ 33 جنيها.
كما رفعت الشركة سعر العبوة الكبيرة من 35 جنيها لـ 38 جنيها، ورفعت سعر العبوة الكينج من 45 جنيها لـ 48 جنيها.
أسعار مجموعة مطاعم كشري التحرير
وفي سبتمبر 2022، قررت مجموعة مطاعم كشري التحرير، رفع سعر العبوة الواحدة بواقع 7 جنيهات، دون سبب مبرر لتلك الزيادة.
ورفعت مطاعم كشري التحرير، سعر العبوة الواحدة بنسبة تصل إلى 30%، رغم ثبات معظم مكونات المنتج مثل المكرونة والعدس.
وارتفع سعر علبة كشري التحرير الصغيرة، بنحو 7 جنيهات، لتسجل مستوى 25 جنيها بدلا من 18 جنيها.
كما زاد سعر عبوة كشري التحرير الوسط، بنحو 7 جنيهات، لتسجل 30 جنيها بدلا من 23 جنيها.
ورفعت الشركة سعر علبة كشري التحرير الكبيرة، لنحو 7 جنيهات، لتسجل 35 جنيها بدلا من 28 جنيها في المطعم.
