وسط الصحراء.. سيدة توثق لحظة دفن أعمال سفلية تحت الأرض
انتشر خلال الساعات القليلة الماضية، فيديو لسيدة توثق لحظات دفن أعمال سفلية تحت الأرض، ملطخة بالدماء ومكتوب عليها طلاسم غير مفهومة.
توثيق دفن أعمال سفلية تحت الأرض
وظهر خلال فيديو مدته 5 دقائق، سيدة داخل سيارتها الخاصة، وهي توثق دفن سيدة أخرى ترتدي عباءة سوداء، لأعمال سفلية تحت الأرض.
وقالت مصورة الفيديو: يا جماعة أنا دلوقتي على طريق التجمع، ووقفت أحط ميه في العربية عشان سخنت مني، لاقيت الست دي واقفة بقالها أكتر من ربع ساعة بتحفر في الأرض، وبتبص وراها على عربيتها، وشكلها غريب.
طلاسم ودماء
وعندما غادرت السيدة التي تدفن تلك الأعمال، توجهت مصورة الفيديو نحو المكان ووجدت شنطة سوداء بها طلاسم وعروسة ملطخة بالدماء، وقالت في دهشة: يا نهار أسود، أنا مش عارفة أعمل أيه أنا هاخدهم معايا عشان أشوف أعمل ايه، هحرقهم ولا أقطعهم مش عارفة.. حسبي الله ونعم الوكيل.
تعليقات السوشيال ميديا
وانهالت التعليقات على الفيديو، فقال حساب باسم رنا علي: حسبي الله ونعم الوكيل في كل مؤذي، بينما كتبت آية مجدي: بلاش تعملي انتي فيهم حاجة، شوفي شيخ يتقي الله وروحيله وخليه يتصرف هو وخليه يقرأ عليكي قرآن وإنتي كمان يحصنك.
وعلق حساب آخر: حسبي الله ونعم الوكيل في كل حد بيأذي حد بشكل ده حسبي الله ونعم الوكيل، ممكن ربنا بعتك سبب إنك تشوفي حاجة زي دي.
وعلقت إسراء أحمد: يا ساتر يارب حسبي الله ونعم الوكيل، بينما كتب آخر: حسبي الله ونعم الوكيل، بس إنتي كده أذيتي نفسك، لا حول ولا قوة إلا بالله العلي العظيم.
