انتصار مستنكرة: السينما النظيفة دي مش مغسولة بالربسو؟.. يا ريت ننسى المصطلح
كشفت الفنانة انتصار، رأيها عن مصطلح السينما النظيفة، معربة عن استياءها الشديد بهذه الجملة وطلبت عدم تكرارها مرة أخرى.
وقالت انتصار في تصريحات خاصة لـ القاهرة 24، إنها لم تفهم معنى مصطلح السينما النظيفة، موضحة: السينما النضيفة ده مصطلح أنا مش فهماه لحد دلوقتي، وبقول أنه اطلقه صحفي ما وبقينا بنرده.
وتابعت انتصار: أنا مش فاهمه يعني أيه سينما نظيفة، يعني هل هي سينما مش مغسولة بالربسو، أنا ضد أننا نقول الكلمة دي عشان الأجيال الجاية ما تشبطش فيه أرجوا أننا ننساها، وبشأن الفنانين المعتزلين الفن، علقت: اللي يعتزل يعتزل ناس تعبت وزهقت تريح وتستريح حد عايز يكمل الطريق مش سهل.
انتصار تكشف سبب قلة الأعمال المسرحية في مصر
كما كشفت الفنانة انتصار، سبب قلة الأعمال المسرحية في مصر، موضحة: قلة عدد المسارح سبب المشكلة اللي احنا فيها دي لكن لو عدد المسارح رجع تاني هيبقى مجبر أننا نعمل مسرحيات لأن الجمهور بيطلب أنه يخش المسرحيات، والناس بتقول أن الممثلين أو الورق هما اللي عطلوا المسرح في مصر، لا خالص، قلة دور العرض.
وأضافت: المسرح من قديم الأزل وله الناس اللي بتحبه وبتقعد فيه، والقصة مش قصة أن فلوسه قليلة زي ماري منيب، عادل إمام، سمير غانم، سعيد صالح، الناس دي كانت بتاخد فلوس قليلة وبتشتغل مسرح.
انتصار تحضر الدورة الـ 16 من مهرجان القومي للمسرح المصري
في سياق آخر، حرصت انتصار على حضور افتتاح المهرجان القومي للمسرح المصري في دورته الـ 16، والتي تحمل اسم الزعيم عادل إمام، وأقيم الحفل مساء أمس السبت بدار الأوبرا المصرية، كما حضر عدد كبير من الوسط الفني، أبرزهم: محمد رياض، رانيا محمود ياسين، محمد محمود، هند عاكف، لقاء سويدان، سامح حسين، عمرو محمود ياسين، وغيرهم.
