بعد فوزه في انتخابات الموسيقيين.. حلمي عبد الباقي باكيًا: مش لاقي كلام أقوله.. ويارب أقدر أوفي جمايلكم
علق الفنان حلمي عبد الباقي على فوزه في انتخابات نقابة المهن الموسيقية باكتساح، التي أقيمت اليوم وتنافس فيها أكثر من 32 مرشحا أبرزهم، منصور هندي، نادية مصطفى.
ودخل حلمي عبد الباقي في نوبة من البكاء خلال لقائه مع القاهرة 24، قائلا: أنا مش لاقي كلام أقوله وبشكر الجمعية العمومية على الثقة الغالية وطبعا ثقتكم أمانة في رقبتي، وربنا يقدرني ويديني العمر وأقدر أوفي للناس دي حقها.
وأضاف حلمي عبد الباقي: الناس اللي جت في الانتخابات على دماغي، أنا مش هقدر أوفيلهم حقهم ونزلوا في الحر وشاركوا.. وبشكر الجمعية العمومية وبقول مهما عملت أنا مش هوفيكم حقكم وشكرا جدا وربنا يقدرني إني اقدر أرد جمايلكم.
وعلى جانب آخر، فاز حلمي عبد الباقي في انتخابات نقابة المهن الموسيقية باكتساح، بعد حصوله على 1867 صوتا ويعد هو أكثر المرشحين الذين حصلوا على أصوات في الانتخابات.
ويشار إلى أنه تنافس على عضوية 12 مقعدًا بمجلس نقابة المهن الموسيقية، 32 مرشحًا، وهم: الدكتور أحمد أبو المجد، أيمن سالم، ديفيد جميعي، أحمد العيسوي، أشرف السعداوي، خالد بيومي، الدكتور رضا رجب، حلمي عبد الباقي، حسام عزت، خالد الغول، خالد بيومي، رضا حنكش، سعيد عثمان، الدكتور شريف حمدي، عادل شمس، الدكتور عادل مصطفى، الدكتور عاطف إمام، عامر العجيمي، دكتور علاء سلامة، علي الشريعي، عمور شيعة، محمود أبو اليزيد، محمد السعيد عمر الخولي، محمد المحلاوي، محمد صبحي، حمادة كحلة، مصطفى داغر، منصور هندي، نادية مصطفى، الدكتور محمد عبد الله.
