هاني عادل عن مشاركته في فيلم Hidden strike: حلمي اتحقق لما شوفت جاكي شان
كشف الفنان هاني عادل كواليس مشاركته في الفيلم العالمي Hidden strike مع جاكي شان وجون سينا، مشيرًا إلى أنه كان بمثابة حلم له.
كواليس مشاركة هاني عادل في فيلم Hidden strike
وقال هاني عادل خلال لقائه في برنامج تفاعلكم على قناة العربية، شاركت في فيلم Hidden strike ولعبت دور طيار عراقي الجنسية يدعى آزر، وهو المرشد الخاص بجاكي شان وفرقته خلال أحداث الفيلم، ويرافقه داخل العراق أثناء تنفيذه عملية إنقاذ لشيء مملوك للصين.
وأضاف هاني عادل: حلم كبير أوي ومخيف لأني مكنتش هروح أصلًا، في الوقت ده كنت قافل على نفسي أوي ومش عارف لسه اللي بحبه بالظبط، ومش بعمل كل اللي بحبه، حسيت إن ربنا بعتلي ده عشان أفوق، ولكن المخرج كان مصمم عليّا بعد ما شاف ملامحي وطريقة تمثيلي.
وأردف قائلا: أول مشهد ليا جوا لوكيشن فيه أطفال صغيرة، وقابلت جون سينا وقالي أهلا بيك إنك عرفت توصل وبقيت موجود معانا، وده عشان مكنتش عارف أخد الفيزا للصين على طول.
وأردف هاني عادل: جاكي شان لقيته بعد كام يوم تصوير بيتكلم معايا وبيظبطلي هدومي وكنت فاكر إني في حلم.
أما عن أعماله الجديدة، أشار هاني عادل إلى أنه يعكف على تحضير ألبومًا جديدًا مع فرقة وسط البلد، وطرح خلال الأيام الماضية أغنية على الوعد أولى أغاني الألبوم، وشاركت زوجته الفنانة دياموند بو عبود في كلمات الأغنية، وقال: واتصورت الأغنية مع المخرج منعم من المخرجين الجداد الشاطرين وشركة جاما ساعدتنا في التسويق، احنا كنا من الفرق الأوائل اللي عملت تجارب كتير بره الصندوق، كنا أول ناس تغني مع رابر، وغنينا بالإنجليزي والفرنساوي.
