وفاة حسام مشالي عضو فرقة كاتو حافظ إثر حادث أليم
أعلنت فرقة ملاذ وفاة حسام مشالي عضو فرقة كاتو حافظ، إثر حادث أليم تعرض له منذ قليل.
وكتبت فرقة ملاذ عبر حسابهم على فيسبوك: إنا لله وإنا إليه راجعون انتقل إلى رحمة الله تعالى حسام مشالي عضو فرقة كاتو حافظ إثر حادث أليم الرجاء الدعاء له بالرحمة والمغفرة ولأهله بالصبر والسلوان.
وسبق أن نعى محمد حافظ، صديق حسام مشالي وشريكه بكلمات مؤثرة عبر فيسبوك: انتقل إلى رحمة الله تعالى صديق عمري وعضو مشروع كاتو حافظ وحبيبي حسام مشالي، إثر حادث أليم.
وفاة حسام مشالي
وأضاف محمد حافظ: ربنا يرحمك يا صاحبي كنت خير الصديق أنا مش مصدق ومش عارف بكتب الخبر ده إزاي، مفيش ذكري أوحش من إن صاحبك الأنتيم يتوفى، أنا كنت فاكر أخوه بيتصل بيا عشان يهنيني ب عيد ميلادي ويهزر كعادته لكن اتصدمت صدمة عمري.
وأضاف صديق حسام مشالي: حسام مكانش مجرد صديقي كان أخويا وأهله أهلي وشريك نجاحي سواء في المزيكا أو غيره وكان لينا أحلام لينا سوا في المستقبل كتير ماكنتش متصور إني هخسره بالسرعة دي ده احنا كنا لسه بنتكلم سوا عالتليفون بالليل امبارح، حسام وأهله قدمولي كتير في حياتي واستضافني في بيته.
واختتم محمد حافظ عضو فرقة كاتو حافظ، حديثه قائلا: عشرة عمري وشريك سكني وأخويا حبيبي وأحسن جيتاريست شوفته في حياتي والله العظيم وكان الأخ اللي بهرب عنده وقت ما أكون مش لاقي حل لحاجة أو مخنوق، ربنا يرحمك ويغفر لك يا صاحبي، أنا مش هعرف أتجاوز الصدمة دي خالص، يا ريتني كنت أنا اللي مت بدالك.
