أحمد عبد القادر يهاجم بعض صفحات السوشيال ميديا
هاجم أحمد عبد القادر، لاعب النادي الأهلي، بعض صفحات السوشيال ميديا، خلال الساعات الماضية، بعد الهجوم الشرس التي شنته عليه إحدى الصفحات.
وشهدت الساعات الماضية غضب بعض جماهير الأهلي من ردود أحمد عبد القادر على الجماهير عبر صفحته على موقع التواصل الاجتماعي إنستجرام.
وكتب أحمد عبد القادر عبر صفحته على فيسبوك: جمهور الأهلي أكبر منكم يا شوية هايفين سواء الأهلي اليوم أو ماجيكانو ياللي بتقبضوا الفلوس علشان تعلوا ده وتوطوا ده، أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه جو الأدمن بتاعكوا والفلوس اللي بتتوزع عليكوا وقدام عيني وحد عرض عليا أعمل حملات هجص ولقطة وهنعليك وهنخليك في السما دا مش عندي.
وتابع: أنا ربنا بيكرمني علشان أنا عارف انا بتعب ازاي وهفضل طول عمري شريف مش بتاع ألف وألفين جنيه أبيع بيهم كرامتي فبلاش انتوا علشان انتوا لا تمسو للنادي الأهلي باي شيء النادي الأهلي أكبر نادي في العالم مش في مصر فا اللي انتوا عاوزينو ده مبعملوش والأجازه يا أنا يصفحاتكوا اللي كلها نفاق ورشاوي وبقولها لآخر مره انا بتاع شغل مش بتاع رشاوي وبعدين لقطه ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كامله واكتر ويشتم اهلك تقولي رد في الملعب.
وواصل: لما ترد يقولك متركزش معاهم مين قال إنهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه على طول بس انا اللي هنزله صباح الفل وجمعه مباركه.
