معرفش الاستسلام.. قفشة يعلق على انتهاء الموسم الكروي مع الأهلي
علق محمد مجدي قفشة صانع ألعاب فريق الكرة الأول بالنادي الأهلي على انتهاء الموسم الكروي عقب فوز الأمس على المصري البورسعيدي بثنائية مقابل هدف في دور الـ8 من بطولة كأس مصر.
وكتب محمد مجدي قفشة على حسابه الشخصي عبر موقع التواصل الاجتماعي إنستجرام:
الحمد الله نهاية الموسم على خير، واحد من أصعب المواسم وأكثرها ضغطا انتهت بأن الأهلي دائما كسبان. موسم كان فيه لحظات فيها قلق وتوتر نفسي، تراجع ذهني ووجع قلب بعيد عنكم، الاستسلام كان حل سهل بس للأسف أنا معرفوش كل ما ضاقت أكثر كل ما كنت اشتغل أكثر، تمرين فوق التمرين تركيز على التركيز هدف واحد بس أوعى تسيب لحظة في النادي الأهلي متحطش اسمك فيها كل حاجة بتتعوض إلا الزمن، الحمد الله 12 بطولة مع الأهلي 14 صناعة هدف 22 فرصة محققة نسبة مشاركة تخطت الـ 70٪ وللسنة الرابعة على التوالي أكثر لاعب مساهمة في أهداف النادي، فضل ربنا ودعم زمايلي في الفريق، سمعت كلام كثير محبط ومش حقيقي مش هقول ظالم بس أقل حاجة يزعل، عموما ده ضمن الباكيدج مفيش حلاوة من غير نار، الكلام ده حرفيا كان هو النار اللي بتخليني عندي إصرار أكثر وغيرة ورغبة إني أكون أقوى من أي كلمة اتقالت، في نهاية الموسم شكرا لكل اللي انتقد سواء سلبي أو إيجابي كلامكم شحن البطارية. وقت الإجازة وضميري مرتاح علشان فعلا تعبت جدا السنة دي.
وكان النادي الأهلي فاز على نظيره المصري البورسعيدي بهدفين مقابل هدف مساء أمس الخميس، ضمن منافسات دور الـ 8 من بطولة كأس مصر ليصعد إلى الدور نصف النهائي في مواجهة فريق إنبي.
