بركات معلقا على واقعة عبد القادر مع جمهور الأهلي: مفيش حد أكبر من الانتقاد
علق محمد بركات، نجم الكرة المصرية السابق، على هجوم أحمد عبد القادر لاعب النادي الأهلي على بعض الصفحات على السوشيال ميديا التي تنتقد مستواه الفني.
تصريحات محمد بركات
وقال محمد بركات في تصريحات تليفزيونية: أي لاعب كرة قدم يلعب في ناد جماهيري خصوصا الأهلي أو الزمالك، الجمهور موجود باستمرار، والصفحات أصبحت حقيقة في حياتنا، سواء يحصلون على أموال أم لا، لكن لاعب الكرة لازم يفهم إن الناس دي موجودة في حياتنا خلاص مينفعش تحط دماغك مع الناس دي.
وأضاف بركات: أنا بتكلم على أي لاعب بيلعب في الأندية الجماهيرية مش بتكلم على أحمد عبد القادر مخصوص، لازم تقفل ودنك، والانتقاد أوقات بيبقى صح وأوقات بيبقى غلط.
وواصل نجم الكرة المصرية السابق: الجمهور له حق عليك كلاعب، أنت بتلعب في نادي جماهيري، وبتكلم عن الجمهور المحترم اللي بينتقد من أجل مصلحة الفريق ودول موجودين وكتير، مختتما: طبعا فيه فئة تانية من الجمهور ومش بتواجه أحمد عبد القادر بس بتواجه الجميع حتى إحنا.
وفي سياق آخر، أثنى محمد بركات على قرارات مجلس إدارة النادي الأهلي الأخيرة التي شملت تعيين خالد بيبو مديرا للكرة، وكذلك وليد سليمان رئيسا لقطاع الناشئين.
وقال بركات في تصريحاته: الأهلي بيكبر ولاده، وتعيين خالد بيبو في منصبه كمدير كرة، وكذلك وليد سليمان رئيس لقطاع الناشئين كل ده رد الجميل من النادي الأهلي لولاده، وكل التوفيق لبيبو ووليد سليمان وكل ولاد الأهلي خلال الفترة المقبلة.
واختتم محمد بركات: الأهلي يملك مدربا محترما وهو مارسيل كولر، الذي قاد الفريق لحصد العديد من البطولات المهمة.
