كل ما بشوف نجاح عمرو دياب بتبسط.. أبرز تصريحات أشرف عبد الباقي التلفزيونية
تحدث الفنان أشرف عبد الباقي عن تياترو مصر ونشأته، ومدى حبه للفنان عمرو دياب، وعن أعماله الذي يحضر لها خلال الفتره المقبلة، وذلك خلال استضافته في أحد البرامج التلفزيونية.
أبرز تصريحات أشرف عبد الباقي التلفزيونية
ـ سعيد جدًا بفكرة تياترو مصر.. ومكنتش متوقع النجاح ده، والناس كلها كانت معترضه عليه، لأنها تجربة جديدة مع شباب جديدة
ـ خدت شقق جنب المسرح للشباب.. كانوا بيروحوا من العرض يفكروا هيقولوا ايه بكرة.
ـ وكان لا يجوز أني اشتم في منطقتنا وفي حاجات لا يجوز أقولها قدام عيالي أو أطفال صغيرة.
ـ وقولت في المسرح مش هنهزر في الدين ولا السياسة ولا الجنس مش هضحك الناس بالحاجات دي.. وكان الهدف أننا نضحك الناس برا الـ 3 محاذير دول.
ـ وفي برامج اتعملت كان هدفها الضحك من السياسة.
ـ عمرو دياب كل ما بشوف نجاحه بتبسط، لأن في حد جيلنا ناجح نجاح كبير كده.. ولما بيكون عنده حفله في الوطن العربي أو أوروبا وتبقى مليانة بحس أن ده جيلنا وهو شخص متجدد.
ـ بقدر مجهود الستات عموما.. ومن الحاجات اللي بشكر مراتي عليها أن لو في مشكلة في البيت، فهي مشكلة الأسرة كلها وبنتجمع ونحل المشكلة.
ـ بجهز مسرحية جديدة اسمها مثلث برهومه هيكون فيها مجموعة من النجوم أبرزهم، بيومي فؤاد وحمدي الميرغني وويزو.
ـ عندنا مشكلة دلوقتي في اللمة.. ومبقاش في نكت.
ـ وصحابي في الساحل شريف منير وأحمد رزق وكريم محمود عبد العزيز ومحمد إمام.
ـ وأنا بجوز بس مليش دعوة بالخناقات.
ـ عندي مسلسل مع السقا اسمه الجولة الأخيرة مكون من 9 حلقات ودوري فيه مدرب السقا على رياضة اسمها الـ MMA.
ـ وسعيد جدًا بالتجربة مع السقا.. هو شخص جميل جدًا والسقا الواجب كله والجدعنه كلها.
