ممكن يخلوا البطة تغني.. هاني فرحات: بعض المطربين بيغيروا صوتهم بالتكنولوجيا.. واللي بيستخدم فلاشة نصاب
تحدث المايسترو هاني فرحات عن أغرب المواقف الذي تعرض لها في حفلاته، وعن رأيه في التقدم التكنولوجي بالموسيقى.
وقال هاني فرحات خلال ندوته بـ القاهرة 24: الناس دافعه فلوس عشان تتبسط ونازله من بيتها عشان تتبسط.. وأغرب حاجه حصلتلي على المسرح لما بتحصل مشكله في الصوت، وبنعمل مزيكا والناس بتشوفها وحشة.
وعن رأيه في التكنولوجيا، أضاف هاني فرحات: التكنولوجيا واصلة لحتة أني أقدر أخلي البطة تغني واللي بيستخدم الفلاشة نصاب.. أنت جاي تسمعني وأنا أشغل فلاشة يبقى أنا كده ضحكت عليك.
هاني فرحات يرد على إشاعة زواجه من أنعام
ورد هاني فرحات، لأول مرة على الشائعات التي زعمت وجود علاقة بينه وبين المطربة أنغام، قائلًا: عمري ما رديت على شائعات ارتباطي بأنغام، ولما حد كان بيقول لي كنت بهزر وأقول أنا اتجوزت أختي وبنقعد نضحك، وإحنا صداقتنا قوية وجميع الفنانين اللي تعاونت معاهم قريبين مني واللي بيطلع معايا على المسرح بيكون مسئوليتي ولازم أسنده ونجاحه في الحفلة أو عموما بعتبر أنه مسئوليتي.
آخر حفلات هاني فرحات
و حفلة محمد منير في جدة هي آخر حفلات المايسترو هاني فرحات، والحفلة كانت باسم مشواري، وحققت نجاحًا كبيرًا.
