العلمين منطقة سياحية بامتياز وبخدم المجتمع من خلال فني.. أبرز تصريحات إليسا في برنامج التاسعة
حلّت الفنانة إليسا، ضيفة على برنامج التاسعة، المذاع عبر القناة الأولى المصرية، وذلك بعد تقديمها لحفل ضخم في مدينة العلمين ضمن فعاليات المهرجان، معربة خلال اللقاء عن إعجابها بمدينة العلمين السياحية، متحدثة عن أعمالها الفنية.
أبرز تصريحات إليسا
ونستعرض في السطور التالية أبرز تصريحات إليسا خلال اللقاء مع برنامج التاسعة، والتي جاءت كالتالي:
-العلاقة بيني وبين الجمهور المصري علاقة خاصة، بحبهم كتير وهما بيحبوني.
-إليسا يعني مصر، وأنا فرعونية صغيرة لأن كمية حب المصريين ليا مقدرش أوصفها.
-أي حاجة بتحصل في مصر على الصعيد السياسي أو الاقتصادي بحسها كأنها حصلت للبنان.
-أول مرة أجي العلمين واتفاجأت بأنها منطقة عالمية مصرية واتبسطت بالجو العام والبلد حلوة والبحر رائع.
-مهرجان العلمين هيكون سنوي وهيكون فيه تواجد لفنانين من العالم العربي وأكيد مبسوطة وليا الشرف أكون موجودة.
-العلمين منطقة سياحية بامتياز وفي ناس من كل الجنسيات العربية موجودة هنا.
-في تنوع كتير في أعمالي بس صدقي والهوية بتاعتي وصوتي بيوصل بطريقة مباشرة لقلب المستمع.
إليسا: الفن رسالة وأغنية من أول دقيقة مش هتموت
-أنا مش بس بقدم أغاني أنا بقدم رسالة وقدمت مواضيع كتير ومتنوعة لأن الفن رسالة.
-أنا بخدم المجتمع من خلال فني وبقدم رسائل حقيقية في كليبات وأغاني.
-لما تكون شخصية عامة بيكون حلو إنك تكون مثل أعلى للناس وتقدم حاجات خيرية تشجيعًا لهم.
-بحترم دكتور مجدي يعقوب ومسيرته وكل الحاجات اللي بيقدمها ببلاش للعالم وقليل لما يكون ناس في مواقع السلطة والقرار إنهم يعملوا اللي بيعمله.
-في أغاني سنجل هتنزل في الصيف قبل ما ينزل الألبوم اللي قررت أنزله في شهر أكتوبر.
-بقيت بجتهد إني أنزل مع كل أغنية كليب ومش ضروري يكون إنتاجه كبير بس يكون صورة حلوة بتتقدم للمشاهد.
-أغنية من أول دقيقة مع سعد لمجرد مفتكرش إنها هتموت ومع الوقت هتكون من أنجح الأغاني الكلاسيكية والديو اللي اتعمل.
