كريم قاسم عن الجزء الثالث من ولاد رزق: طارق العريان قالي إني هتبهدل
تحدث الفنان كريم قاسم، عن الجزء الثالث من فيلم ولاد رزق، المقرر بدء تصوير شهر أكتوبر المقبل، مؤكدًا أن شخصيات العمل تتطور ويحدث بها نضج.
وقال كريم قاسم خلال لقائه ببرنامج et بالعربي: أنا متحمس جدًا، وبقالي سنة بروح الجيم ولسة بروح، ومحتاج جيم بقى أكتر قبل ما نصور في شهر أكتوبر وبلعب رياضات وحاجات كدة عشان متحمس جدا للتجربة، والواحد يكون مستعد جسديًا للمشاهد.
وتابع كريم قاسم: أنا لسة مقرأتش السيناريو، بس المخرج طارق العريان بيحكيلي وهو مش مطمني خالص، قالي إن أنا هتبهدل فأنا بستعد لكل الظروف، وأتمنى يكون في تغيير في الشخصيات، وأكيد اتطوروا من الجزء التاني للتالت، وبينضجوا وبيتعلموا من أخطائهم، فأنا متحمس إني أرجع لشخصية رمضان في الفيلم.
فيلم ولاد رزق
وعرض الجزء الأول من فيلم ولاد رزق، في عام 2015، والثاني عام 2019، وحققا الجزأن، نجاحًا كبيرًا ونالا إعجاب الجمهور، المنتظر عرض الجزء الثالث بشدة، ويشارك في بطولة العمل الفنان أحمد عز، عمرو يوسف، أحمد الفيشاوي، أحمد داود، كريم قاسم، محمد ممدوح، ريم مصطفى، خالد الصاوي، وآخرين، والعمل من إخراج طارق العريان.
قصة فيلم ولاد رزق
وتدور فيلم ولاد رزق، حول 4 أشقاء، يسلكون طريق الجريمة، على عهد قديم بينهم أن يتركوه في يوم ما، ولكن عملية واحدة فاشلة تفجر الخلافات الدفينة بينهم، فيتركهم الشقيق الأكبر رضا رزق -أحمد عز- ويقرر العمل في ورشة العائلة، والزواج من الفتاة التي يحبها -نسرين أمين- ليقع الباقون في ورطة من بعده.
