هاني عادل: عندي 4 تاتوهات.. وفيه أعمال مش راضي عن نفسي فيهم
أجاب الفنان هاني عادل، على عدة أسئلة متنوعة، كشف من خلالها عدد التاتوهات التي يمتلكهم على جسمه، بجانب حديثه عن حقيقة تقديمه لأعمال سابقة لم يكن راضً عنها.
وقال هاني عادل خلال حواره مع القاهرة 24: عندي 4 تاتوهات، وعندي بيت واحد وعربية واحدة، وبكون محتاج محفزات كتير عشان أعرف أخد قرار وتوديني لاتجاه معين، اللي هو أرمي نفسي في الماية وخلاص.
وتابع هاني عادل: مفيش ولا فرصة كنت قاصد استخدمها لصالحلي، بس ربنا وفقني في كام فرصة الحمد لله وأنا مش قاصد، ومفيش ولا أغنية رفضتها ونجحت مع حد غيري؛ لأن أنا اللي بألف الأغاني لنفسي وأنا اللي بلحن.
وأضاف هاني عادل، كاشفًا حقيقة تقديمه لأعمال لم يكن راضً عنها: في أعمال مش راضي عن نفسي فيهم، وفي أعمال مش راضي على إني شاركت فيهم بس كان لازم في الوقت ده عشان أتعلم حاجات، وعمري ما قولت على فنان أو فنانة مش هشتغل معاهم تاني.
هاني عادل: شيريهان عظيمة
كما تحدث هاني عادل، عن كواليس مشاركته في مسرحية كوكو شانيل، مع الفنانة شيريهان، وقال: مش ببص للكم، مش فارق معايا الدور قد إيه المهم بقول إيه، مفيد للعمل ولا لا، ومسرحية كوكو شانيل حلم تاني، وأحب أشارك بأي حاجة مع أستاذة شريهان، هي أستاذة عظيمة، وشركة العدل فاهمين بيعملو إيه مش بس شركة إنتاج وفلوس وخلاص.
