ماندو العدل يكشف حقيقة رفض إلهام شاهين المشاركة في فيلم ع الزيرو
كشف المخرج ماندو العدل حقيقة رفض الفنانة إلهام شاهين المشاركة في فيلم ع الزيرو، بطولة محمد رمضان ونيللي كريم.
وقال ماندو العدل خلال لقائه على الراديو 9090: أنباء رفض إلهام شاهين المشاركة في فيلم ع الزيرو كلها شائعات ومش حقيقية، وأنا مش بهتم أرد على الشائعات دي، لأني بشتغل وبس، ومليش علاقة بأي حاجة تانية، والمهم إني أثبت نفسي وأتطور، ومش فاضي أرد على كل واحد يقول حاجة؛ لأن اللي بيقول شائعات هدفه يعمل موضوع من لا شيء.. وفي النهاية ربنا يوفق الجميع.
ماندو العدل يكشف سر اختيار نيللي كريم لـ ع الزيرو
كما تطرق ماندو العدل للحديث عن كواليس فيلم ع الزيرو وسر اختياره لـ نيللي كريم، قائلًا: نيللي ممثلة كبيرة، وأي حد يتمنى يشتغل معها، وعندها جمهور كبير، والجمع بين محمد رمضان ونيللي كريم كانت فكرتي؛ لأني دايما بشتغل معاها وشوفت أنها هتضيف لنا، وهي رحبت جدًا.
وأضاف: نيللي كريم ومحمد رمضان علاقتهم كويسة جدًا في التصوير على المستوى الشخصي، ونيللي فرقت فنيا مع الفيلم ودورها حلو والجمهور مبسوط أنها موجودة، وهي مكسب لنا.
أما عن سبب اختيار الطفل منذر مهران، علق قائلًا: أنا شوفت منذر في جزيرة غمام والفيديو كليب اللي تعاون فيه مع محمد رمضان، وحسيت بينهم كيميا، ولما اتكلمت مع منذر لقيته لمض ولذيذ وشبه رمضان وينفعوا أب وابن، وهو ممثل محترف مش مجرد طفل، وبيجي في معاده ومش بيتكلم ومتعبنيش في التصوير.
فيلم ع الزيرو
يذكر أن فيلم ع الزيرو حقق نجاحا كبيرا منذ عرضه في السينمات وضم العديد من الفنانين، أبرزهم جومانا مراد، إسلام إبراهيم، شريف دسوقي ومن تأليف مدحت العدل.
