محمد صبحي عن رفضه منصب وزير الثقافة: أقل بكثير من كوني فنانا
كشف الفنان محمد صبحي أسباب رفضه منصب وزير الثقافة، مؤكدا أنه غير عاشق للمناصب ولا يسعى إليها، مشيرا أن منصب كوزير أقل من كونه فنانا.
قال محمد صبحي عن هامش ندوته المقامة حاليا بساقية الصاوي: رفضت 4 مرات أكون وزير ثقافة لأني ببساطة وزير دي أقل بكتير من أن أكون فنان، مش تقليلا من الوزير وفي ناس كتير علماء وعلى أتم الاستعداد يكونوا وزراء، لما يتساب دول والأصابع تشاور عليا أنا هقول ده مش سليم.
وتحدث صبحي عن تجربته في مجال الكتابة، حيث قال: مبحبش أعمل كتب، وسنة 76 عملت هاملت ومكنتش نجم بمواصفات نجم بتاع السوق.
وتابع محمد صبحي: فوجئت بمكالمة من جمال السليني عايز يقابلني وعايز يعملي تمثال، قولتله طيب مش لما اموت! أنا عارف أنكم بتعملوا شغلكم بعد ما الفنان يموت زي ما الدولة بتكرم اللي مات بتقول الحمد لله مات نكرمه بقى، قالي أنا عاشق لوجهك، وسألته أنا يتعملي تمثال ليه؟ قالي هتعرف لما تشوف التمثال وخليه ذكرى عندك.
استكمل محمد صبحي: روحت أشوف التمثال قولتله ثانية إيه التعبير اللي أنت عملته على شفايفي ده! أنا معملتهوش قدامك، قالي آه أنا شايف أن التعبير ده بيعبر عن السخرية من العالم كله.
أعمال محمد صبحي
يذكر أن محمد صبحي عرض لها خلال الفترة الماضية مسرحية عيلة اتعمل لها بلوك، حيث تضم العديد من الفنانين، منهم، وفاء صادق، وفرقة ستوديو الممثل التي تضم حمدي السيد، كمال عطية، منى طارق، مصطفى يوسف، رحاب حسين، محمد شوقي طنطاوي، محمد سعيد، محمد يوسف، محمود أبو هيبة، تصميم ديكورات محمد الغرباوي، أزياء مروة عودة، وأشعار الأغاني لـ عبد الله حسن، ألحان ومسويقى شريف حمدان، استعراضات محمد سميح، تأليف مصطفى شهيب، وتحت قيادة المخرج محمد صبحي.
