السبت 20 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

كله عريان وملط| نجوى فؤاد: الرقاصات الروسيات بوظوا المصريات.. وربنا قال احتشموا

 نجوى فؤاد
فن
نجوى فؤاد
الثلاثاء 22/أغسطس/2023 - 08:42 م

قالت الفنانة نجوى فؤاد إنها لم تعتزل الرقص الشرقي، متابعة: إحنا للأسف مبقاش عندنا رقص شرقي في مصر، واللى بنشوفه عبارة عن عري فقط من الراقصات الروسيات. 

وأضافت نجوى فؤاد خلال تصريحات تلفزيونية: السوشيال ميديا شيء يحمل فسادا كبيرا والساحل الشمالي في بعض الأماكن منه بقى كباريه درجة تالتة والروسيات بوظوا المصريات، وربنا قال احتشموا واحنا لينا عادات وتقاليد لازم نلتزم بيها، والرقاصة لو محتشمتش تبقى رخيصة، للأسف كله عريان وملط ومش عارفة ليه دا إحنا مصريين ولينا ديننا وتقاليدنا.

الفنانة نجوى فؤاد 

وتابعت: مبقاش فيه رقص شرقي في مصر ولكن فيه روسيات بيرقصوا رقص تدريبي، وبيأدوا اللي اتعلموه ومفيش الروح ولا الشرقية بتاعتنا، والعري زيادة عن اللزوم ولازم يبقى فيه رقابة شوية. 

وفي وقت سابق، تحدثت الفنانة نجوى فؤاد عن أخبار اعتزالها الفن، بعد غيابها عن المجال خلال الفترة الماضية، نتيجة إصابتها بالانزلاق الغضروفي، مطالبة جمهورها بالدعاء لها بالشفاء العاجل.

أسباب غياب نجوى فؤاد عن مجال الفن

وقالت نجوى فؤاد، في تصريحات لـ القاهرة 24، إنها ما زالت تعاني من الانزلاق الغضروفي، موضحة: الحمد الله صحتي تمام ولكن بحاول أتعافى، ولسه بتعالج ادعولي.

نجوى فؤاد: أعوذ بالله من اعتزال الفن

وأكدت نجوى فؤاد، أنها لم تتمكن من المشاركة في أعمال فنية خلال الفترة المقبلة، لأنها ما زالت تعاني من بعض المضاعفات نتيجة إصابتها بالانزلاق الغضروفي، قائلة: مش هينفع أشارك في أعمال فنية لأني صحيًا مش هقدر أشتغل دلوقتي.

تابع مواقعنا