المخرج كريم العدل يكشف حقيقة وجود جزء ثان من فيلم العميل صفر | خاص
كشف المخرج كريم العدل حقيقة وجود جزء ثان من فيلم العميل صفر، بعد تحقيقه إيرادات مرتفعة منذ طرحه في دور العرض العربية، ومنافسته في موسم أفلام صيف 2023.
وقال كريم العدل خلال لقائه مع القاهرة 24: أنا مش ببص لموضوع المنافسة والإيرادات وياما أفلام حلوة أوي جابت فلوس قليلة وياما أفلام مش حلوة خالص وجابت فلوس عالية وده مش المقياس بالنسبة لي ومدرك إن ده مقياس السوق، بس أنا مبحبش أتوقع ومبحبش اتضايق أو أحط توقعات عالية.
وأضاف المخرج كريم العدل: مقياسي السيناريو الحلو، وده اللي بحاول أعمله طول الوقت فيلم حلو الناس تدخل تتبسط لمدة ساعة ونص أو ساعتين.
أما عن عن وجود جزء ثان من فيلم العميل صفر، قال كريم العدل: الله أعلم الموضوع مفتوح للمناقشة، اتكلمت فيه مع أكرم حسني بس بشكل سطحي جدًا كنوع من الهزار والفكرة واردة.
وأكمل كريم العدل: أنا مش من أنصار الأجزاء التانية، أنا ضدها؛ لأني مبحبش عصر النجاح وفيه حاجات ممكن تستحمل ده.
أبطال فيلم العميل صفر
وضم فيلم العميل صفر العديد من الفنانين مع أكرم حسني، منهم: أسماء أبو اليزيد، مصطفى غريب، فيدرا، إسماعيل فرغلي، أيمن الشيوي، فاطمة البنوي، محمد أوتاكا، منذر رياحنة، والفيلم فكرة محمد سامي، وتأليف وائل عبد الله، وتحت قيادة المخرج كريم العدل.
