المطربة بوسي بالتحقيقات: طليقي مضّاني شيك علي بياض وخد كل حقوقه |خاص
كشفت التحقيقات في القضية رقم 2409 - 2023 جنح المقطم والمتهم بها هشام ربيع زوج المطربة بوسي بتهمة التعدي على شخص وسرقة شيكات وأوراق خاصة للمنتج وليد فطين طليق المطربة بوسي عن عدة مفاجأت.
أقوال المطربة بوسي في قضية طليقها المنتج وليد فطين
وحصل القاهرة 24 علي نص تحقيقات القضية وجاءت أقوال المطربة بوسي كالاتي:
س بما تبرري من ادعاء سالف الذكر من انه قام بالتوقيع على ذلك العقد من وقع تحت إكراه مادي
ومعنوي ؟
ج هو كلام غير صحيح لأنه مفيش أي إكراه وقع عليه ولأنه وقع على العقد برغبته لما اخد مبلغ 5 مليون
جنيه.
س: هل ثمة قضايا متداولة فيما بينك وبين وليد فطين؟
ج انا معرفش بس كان فيه حاجات قديمة وخلصت
س: ما قولك في انك قمتي باستلام أصول الشيكات وايصالات الامانه المدعي سرقتها من المنتج وليد فطين وذلك علي خلاف ما أقر به الأخير من أن تلك الشيكات محل واقعة التحقيق لم تقومي باستلامها من قبل ؟
ج لان هو كان فيه شيكات فطين كان بيقول انها مفقودة وهو مش فاكر هي فين ولا مع مين وقت ما كنا بتعمل الإقرار والتنازل في ۲۰۲۰ فاكيد الشيكات اللي بتظهر دي من الشيكات اللي مفقودة
س: هل يوجد بحوزتك أي أوراق أو شيكات خاصة بالمدعو وليد فطين ؟
ج: لا
قامت جهات التحقيق باطلاع المطربة بوسي علي أصل إيصال امانه باسم - ياسمين محمد شعبان - كمستلم وبين المدعو وليد فطين كمستلم منه بمبلغ وقدره خمسة ملايين جنيه ومزيل بتوقيع وبصمة ياسمين محمد شعبان
س: ما قولك فيما قمنا بعرضه عليك لإيصال الأمانة سالف البيان ؟
ج: ايوه ده إيصال أمانه أنا موقعه عليه ودي بصمتي بس انا كنت موقعه علي بياض ومكنش فيه أي
بيانات ولا مبالغ مذكورة فيه.
س: وبما تبرري عرض ذلك الايصال عليك؟
ج: ايوه هي الايصالات دي كان طليقي بيمضيني عليها علي بياض وهو ده اللي ظهر بعد ما اتفق معايا انه معدش في أي ايصالات اخري لما اتفقنا في ۲۰۲۰ وخلصنا المشاكل
س: ما قولك فيما جاء بالحوافظ المقدمة من دفاع المنتج وليد فطين والثابت فيها اطلعناها عليه تفصيلا ؟
ج الكلام ده كله غير صحيح وكذب وافتري وانا مش هقول غير حسبي الله ونعم الوكيل
