عمر كمال: اخترت أغانٍ متنوعة في حفلي بالعلمين.. وفخور بوجود المدينة بمصر
تحدث المطرب عمر كمال، عن كواليس تحضيرات حفله ضمن فعاليات مهرجان العلمين، الذي أقيم أمس، بحضور عدد كبير من الجمهور.
وقال عمر كمال خلال لقائه في قناة DMC، إنه سعيد بالمشاركة ضمن فعاليات مهرجان العلمين الجديدة، معلقًا: اخترت أغني كل ألوان الغناء المتنوعة في حفلة العلمين، موضوع مش يكون مقتصر على غناء المهرجانات أو الأغاني الشعبية بس، أنا مبسوط جدًا إني واقف في مكان جميل زي ده.
وتابع عمر كمال: جمهور حفلات مهرجان العلمين متنوع لأنه تم تنظيم برنامج متنوع لأيام الحفلات، يضم باقة مختلفة من المطربين طرب.. غناء.. راب.. تراث شعبي.. مهرجانات.. وكل الشارع موجود.. نجحوا في نقل نبض الشارع للمهرجان.. فخور بوجود مدينة العلمين في مصر.
وأضاف كمال: الناس كلها موجودة وكل الشعب اللي عايز يسمع أو يشوف حاجة.. ييجي ويشوف، ورأيي أن مدينة العلمين حاجه تشرف.
واختتم عمر كمال: كنت أتمنى نفس المستوى من التجهيزات ببلادي، وهو ما حدث بمدينة العلمين بل لدينا الآن مستوى أعلى من التجهيزات واللي مش مصدق ييجي يشوف.. يقف يشوف المنظر والجمال عامل إزاي وفخور جدا إن فيه حاجة كده في مصر.
