تيام قمر: مشاركتي في أولاد حريم كريم حلم.. والكواليس كلها كانت غنا ورقص
تحدث الفنان تيام مصطفى قمر عن مشاركته في فيلم أولاد حريم كريم، بطولة الفنان مصطفى قمر، والذي يعرض حاليًا في دور العرض بالسينمات.
وقال تيام مصطفى قمر، خلال حواره مع القاهرة 24: أنا بعيش في حالة حلم، مكنتش مصدق إن هيحصل جزء تاني من فيلم حريم كريم، ودلوقتي حصل وأنا بشارك فيه والناس داخلة تتفرج ومتحمسة وردود الفعل إيجابية، فأنا مصدوم شوية لحد دلوقتي.
وبخصوص كواليس فيلم أولاد حريم كريم، فوصفها تيام مصطفى قمر بأنها كانت مبهجة، قائلًا: الكواليس كانت مبهجة وكنا بنحب بعض أوي وشغالين بالروح دي مع بعض، وكلنا عايزين الفيلم ينجح فكلنا كنا شغالين وإحنا مرتاحين، وعلى طول فيه غنا وهزار وضحك، وكل واحد واخد راحته وده باين للناس على الشاشة.
مصطفى قمر يتحدث عن فيلم أولاد حريم كريم
كما كان تحدث الفنان مصطفى قمر، عن فيلم أولاد حريم كريم، مؤكدًا أن الجمهور متحمس لهذا الجزء بشكل كبير، وقال: الناس عندها فضول تجاه فيلم أولاد حريم كريم وعايزة تشوفه، عايزين يعرفوا إيه اللي حصل للناس دي والأبطال عملوا إيه، وهل الجزء ده أحلى ولا الجزء الأول، بس اللي حصل في العرض الخاص للعمل في القاهرة أثبت حاجات كتيرة أوي.
فيلم أولاد حريم كريم
فيلم أولاد حريم كريم بطولة مصطفى قمر، وعدد من الفنانين، وهم: بشرى، داليا البحيري، رنا رئيس، تيام مصطفى قمر، بسمة، علا غانم، هنا داود، يوسف عمر، وآخرين، والعمل من تأليف زينب عزيز، وإخراج هادي الباجوري.
