وفاء عامر عن تصنيف أجور الفنانين: زعلانة.. ومفيش فنان اسمه نمرة واحد | خاص
أعربت الفنانة وفاء عامر، عن استيائها من اختلاف أسعار الأجور بين الفنانين، مشيرة إلى أن هناك تصنيف في الوسط الفني.
وقالت وفاء عامر في تصريح لـ القاهرة 24، إن نقطة تصنيف أجور الفنانين مزعجة ولا يوجد شيء اسمه فنان نمرة واحد، موضحة: حكاية الأجور دي مزعلاني أوي ومافيش حاجة اسمها نمرة واحد، يعني لو في فنانين منهم 7 نمرة واحد هيبقى الباقي فئة تانية.
وأوضحت وفاء عامر: ممكن الفنانين يحصل معاهم ضعف ثانوي أو يسقطوا نتيجة إنهم تعبوا، فطبيعي لازم يكون في فشل حتى يكون في نجاح، ولو حد بيعمل أدوار مساعدة هيكون زيه زي الأبطال بالظبط مفيش فرق، وليه يحصل التصنيف الغريب ده، وده هيخلي الفنانين زعلانين من بعض ويحس أن في واحد أحسن من التاني.
آخر أعمال وفاء عامر
تشارك وفاء عامر ضيفة شرف في مسلسل نصي التاني، والعمل من بطولة علي ربيع، المقرر عرضه عبر منصة شاهد خلال الفترة المقبلة.
ويضم مسلسل نصي التاني باقة من النجوم، حيث يشارك في العمل كل من علي ربيع، سلوى عثمان، محمد محمود، وأيضًا ضيوف الشرف مثل ياسمين رئيس ميرنا نور الدين رنا رئيس، أسماء أبو اليزيد، وبسنت شوقي، وهو من إخراج عمرو صلاح ومن تأليف إياد صالح.
