جهاد حسام الدين: مشاهد الفلاش باك هتفهمنا نوع العلاقة بين سفاح الجيزة وأمه
أكدت الفنانة جهاد حسام الدين، التي جسدت دور والدة سفاح الجيزة في عمرها الصغير، أن شخصية والدة السفاح -هانم-، ستظهر مجددا في مشاهد فلاش باك قادمة؛ لتكشف تلك المشاهد خطوط درامية جديدة في علاقة السفاح بوالدته.
وقالت جهاد حسام الدين في تصريح خاص لـ القاهرة 24: هتشوفوني تاني في مشاهد الفلاش باك، وهيبدأ يبان جوانب من حاجات حصلت بينهم تفهمنا نوع العلاقة بين الأم والابن -أحمد فهمي-، وكل شوية هتبان تفصيلة تكمل الحدوتة.
جهاد حسام الدين تكشف كواليس مشهد القتل في سفاح الجيزة
وكانت كشفت جهاد حسام الدين، كواليس مشهد قتلها لزوجها ضمن أحداث المسلسل، وقالت: مشهد قتل والدة سفاح الجيزة أخد وقت طويل وكان في تركيز مننا كلنا ومهنية، وكان معانا فريق مهني من الـ special effects، عشان الدم، والهون اللي ضربته بيه مكنش حديد حقيقي.
وتابعت جهاد حسام الدين: والدم كان محطوط جوة الهون عشان لما أضربه هما يبخوه من ورايا، ودي حاجات اتعلمتها لأول مرة، إن إحنا ممكن نخلق مشهد حقيقي جدا، برغم إن كل حاجة بنستخدمها مش حقيقية، وأنا شايفة إني محظوظة إني عملت الدور ده، لأن قليل لما بيكون في أدوار نسائية من النوع ده من الأكشن.
مسلسل سفاح الجيزة
يعرض حاليًا مسلسل سفاح الجيزة، على منصة شاهد، ويضم العمل عدد كبير من الفنانين، أبرزهم الفنان باسم سمرة، ركين سعد، حنان يوسف، جيهان الشماشرجي، صلاح عبد الله، وآخرين، والعمل من إخراج هادي الباجوري.
