حسيت إنه بيعملي أعمال سفلية.. أقوال المتهم بإنهاء حياة مهندس بالتجمع الخامس | خاص
شهدت منطقة التجمع الخامس واقعة مأساوية، حيث أقدم سائق على إنهاء حياة مهندس دهسا بـ لودر عمدًا داخل موقع تحت الإنشاء بالعمل بمنطقة التجمع، وحصل القاهرة 24 على التحقيقات في القضية.
أقوال المتهم بإنهاء حياة مهندس بالتجمع الخامس
قال المتهم أمام جهات التحقيق: اللي حصل أن أنا من صغرى وأنا بيتعملى أعمال سفلية ومش عارف أخلص منها لحد دلوقتي ولما رحت الموقع من 10 أو 11 يوم شوفت المهندس فادى وکنت بحاول أتجنبه وامبارح عرفت أنه بتاع أعمال سفلية، فأنا كنت شغال باللورد في الموقع ولقيت ممدوح قاعد مع المهندس فادي قدام العمارة اللي شغال فيها المهندس فادي، وحسيت إنهما بيبصولي وأن المهندس فادي بيتكلم عليا وعايز يمشينني فاستنيت الأستاذ ممدوح يمشي من المكان، وأول ما لقيت المهندس فادى ماشي قدام العمارة اللي جنب العمارة اللى هو شغال فيها لوحده رحت رايح عليه باللودر وخبطته بسقف سكينة اللودر في صدره من ناحية اليمين فوقع على ظهره، وبعد كده عدلت سكينت اللودر ورفعتها لفوق وخليت السكينة مقلوبة، ونزلت عليه بشفرة السكينة وهي مقلوبة في صدره ورفعتها ونزلت بيها تانی، وبعد كده لقيت واحد بيجرى عليا وبيزعق.
وأضاف المتهم خلال التحقيقات: أنا وقفت عشان كان خلاص نزل من رأسه دم كثير ومن ودانه، فأنا تأكدت أن هو توفى فأنا فضلت واقف فوق اللودر، وبعد كده الناس نزلتي ودخلونى جوه العمارة لحد ما الأمن جه وفضل يستجوبني، وقالی خبطته قولتله اه خبطته قالى عن قصد قولتله اه، ولما سألنى ليه قولتله أنا حسيت أن هو عايز يمشينى من الموقع أو يموتني فأنا قولت أموته ودی موتة بموتة.
س: أين ومتى حدث ذلك ؟
ج: الساعة 10 صباحًا بموقع شركة سوديك.
س: وما مناسبة تواجدك بالزمان والمكان سالفي البيان ؟
ج: شغال هناك
س: وما هي طبيعة عملك تحديدًا ؟
ج: أنا شغال سواق لودر.
س: وهل من ثمة عقود عمل محررة بينك وبين الشركة محل عملك ؟
ج: لا أنا كنت شغال أجرى باليومية.
س: وما هي الأعمال المكلف بها ؟
ج: أنا شغال سواق لودر بلم الرتش اللى في المكان وأنقل الرملة.
س: صف لنا المعدة " اللودر" التي تعمل عليها ؟
ج: هو لودر 930 أصفر موديل79.
س: من مالك من تلك المعدة اللودر؟
ج: هو ملكي.
س: ومن تحديدا الذى يكلفك بذلك الأعمال بالموقع محل عملك ؟
ج: هو الأستاذ ممدوح.
