محمد عبد العظيم: المخرجون بيستسهلوا وبيختاروني في أدوار الشر.. والمسرح جيم الممثل
أعرب الفنان محمد عبد العظيم عن سعادته بحضوره حفل ختام الدورة 30 من مهرجان القاهرة الدولي للمسرح التجريبي، مشيرًا إلى أنه يعتبر المسرح أساس الممثل.
وقال محمد عبد العظيم خلال تصريحات خاصة لـ القاهرة 24: أنا ابن المسرح في الأساس ومهرجان القاهرة التجريبي بنتفرج عليه من واحنا صغيرين، هو ظاهرة ثقافية بنتفرج من خلاله على ثقافات العالم، عاجبني اختيار العروض ومستوى العروض مختلف، وفيه تطور والتنظيم رائع، أنا لمست ده وموسم جميل كلنا، وفيه مخرجين بيتطوروا لما بيشوفوا عروض وثقافات أخرى.
وأردف محمد عبد العظيم: المسرح هو الأساس المسرح هو الجيم للممثل، زي الجيم للرياضي، هو اللي بيطور أدواته وبيخليه يتعرف على الجمهور أكتر وبيعرف مستواه من خلال لقائه مع الجمهور.
أما عن آراء البعض في تراجع مستوى المسرح المصري في مصر، أضاف محمد عبد العظيم: احنا اللي بدأنا المسرح في المنطقة العربية والشرق الأوسط وإن شاء الله نستمر.
وعن تقديمه لأدوار الشر بشكل مستمر، تابع: المخرجين بيختاروني معرفش المخرجين بيستسهلوا ولا إيه، وبيختاروني في أدوار الشر وبدخل في تحدي والحقيقة الأدوار ديه مش سهلة خالص، إنك تتحول لشخص بالشر ده ومرهقة، نفسي اعمل واحد طيب، وعملته في سوق الكانتو، ولكن نفسي العب أدوار مختلفة ومبقاش في أدوار معينة.
أعمال محمد عبد العظيم الجديدة
أما عن أعماله الجديدة، أشار محمد عبد العظيم، إلى أنه يشارك في مسلسل العودة مع الفنان شريف سلامة والعديد من النجوم والمقرر طرحه خارج الموسم الرمضاني المقبل 2024، ولم يحسم بعد مشاركته في الموسم الرمضاني المقبل.
