بدرية طلبة عن قائمة الطلبات المدرسية: كان آخرنا قلم وبراية.. دلوقتي الطفل شايل عزاله ورايح بيت عروسته
علقت الفنانة بدرية طلبة، على قائمة الطلبات الكبيرة التي تطلبها معظم المدارس حاليًا، مشيرةً إلى أنها تنتمي لجيل كانت طلباته المدرسية قليلة للغاية.
ونشرت بدرية طلبة فيديو ساخرا تمزح فيه، عبر حسابها الرسمي بموقع انستجرام، وقالت: إيه موضوع السبلايز اللي طالعين بيه اليومين دول ده، إحنا كان آخرنا قلم رصاص وبراية وجومة، وأمي كات بتشاركني في البراية بتاعتي بتبري بيها قلم الحواجب والكحل بتاعها.
وتابعت بدرية: لما جم يكبرونا قالوا يزودولنا قلم جاف وقلم حبر، وبعدين خلوا الجومة بريحة فبدل ما نمسح بيها بقينا بناكلها ونمسح بالجومة بتاعة القلم الرصاص، بعدين زودولنا في ثانوي برجل ومنقلة، دلوقتي بيقولوا ده لطفل قد كدة لسة مطلعش من البيضة، ويقولك سبلايز وأم الطفل ياعيني بتوصله المدرسة كأنها شايلة عزاله ورايحاله بيت العروسة توصله.
أعمال بدرية طلبة
على الجانب المهني، شاركت بدرية طلبة في موسم رمضان الماضي 2023، من خلال مسلسل رمضان كريم 2، الذي ضم العديد من الفنانين، أبرزهم الفنان سيد رجب، بيومي فؤاد، سلوى خطاب، سلوى محمد علي، سلوى عثمان، محمد لطفي، نجلاء بدر، ويزو، كريم عفيفي، أحمد صيام، رانيا فتح الله، نوليا مصطفى، عمرو عبد العزيز، وآخرين، والعمل من إخراج سامح عبد العزيز.
مسلسل أسيل
كما عرض لـ بدرية طلبة، مسلسل آسيل منذ فترة، وهو من بطولة الفنانة ثراء جبيل، وكل من: باسل الزارو، ملك بدوي، إلهام عبد البديع، وغيرهم، والعمل من إخراج معتز حسام.
